ފަލަސްޠީނުގެ ހަނގުރާމަ ވެރިންނާއި އިޒްރާއީލާއި ދެމެދު ކުރިއަށްދާ ހަމަލާ ބަދަލު ކުރުން ތަކުގައި ޝަހީދުވި މީހުންގެ ޢަދަދު 313 އަށް އަރައިފައިވާ ކަމަށް ފަލަސްޠީނުގެ ހެލްތް މިނިސްޓްރީ އިން ބުނެފިއެވެ.
ފަލަސްޠީނުގެ ހެލްތް މިނިސްޓްރީ އިން ހާމަކޮށްފައިވާ އަދާހަމަތަކުގައި ބުނެފައިވަނީ މިހާތަނަށް ޝަހީދުވީ މީހުންގެ ޢަދަދު 313 އަށް އަރައިފައިވާއިރު އެކި ވަރުގެ އަނިޔާ ލިބުނު މީހުންގެ ޢަދަދު 1990 އަށް އަރައިފައިވާކަމަށެވެ.
އިޒްރާއިލުގެ ޔަހޫދީން ފަލަސްޠީނުގެ ޢާންމުން ދިރިއުޅޭ ހިސާބުތަކަށް ވައިގެމަގުން ހަމަލާ ތަކެއް ދޭން ފަށައިފައިމިވަނީ ފަލަސްޠީނުގެ މިނިވަންކަމަށް ހަނގުރާމަ ކުރާ ފަރާތް ހަނގުރާމަ ވެރިން، ފަލަސްޠީނުގެ ބިމުން އިޒްރާއިލްގެ ޔަހޫދީން ވެރިވެގަނެފައިވާ ސަރަހައްދުތަކަށް ދިން ރޮކެޓް ހަމަލާ ތަކެއްގެ ރައްދުގައެވެ.
އިޒްރާއިލްގެ ޔަހޫދީން އުޅޭ ސަރަހައްދުތަކަށް ރޮކެޓް ހަމަލާތަކެއް ދިނުމަށް ފަހު ހަނގުރާމަވެރިންނާއި ފަލަސްޠީނުގެ ހިތްވަރު ގަދަ ޒުވާނުން ނުކުމެ ވަނީ އިޒްރާއިލް ސިފައިން އިން ވަކިކުރުމަށް ހަދައިފައިވާ ފެންސު ހަލާކު ކޮށްލައި ފައެވެ.
ފަލަސްޠީނުގެ ހަނގުރާމަ ވެރިންގެ ހަމަލާތަކުން އިޒްރާއިލް ސިފައިންގެ ބައެއް އިސް ކޮމާންޑަރުން މަރުވެފައި ވާއިރު، ހަނގުރާމަ ވެރިން ވަނީ ބައެއް ސިފައިން ރަޙީނުވެސް ކޮށްފައެވެ.
Advertisement
This content is created and paid for by advertisers and does not involve Voice Journalists
