ފަލަސްޠީނުގެ ދިފާޢުގައި ހަނގުރާމަ ކުރަމުންދާ ހަމާސް އާއި އިޒްރާއިލްގެ ހަނގުރާމައިގެ ތެރެއިން އިޒްރާއިލްގެ ޔަހޫދީން ފަލަސްޠީނުގެ ޣައްޒާ ޚިދްމަތްތަކުން މަޙްރޫމް ކޮށް ބަންދުކޮށްފިއެވެ.
އިޒްރާއިލްގެ ޔަހޫދީން ބުނެފައިވަނީ ޣައްޒާއަށް ކާބޯތަކެއްޗާއި ފެނާއި ކަރަންޓު ފަދަ އަސާސީ ޚިދްމަތްތައް ނުލިބޭ ގޮތައް ބަންދު ކޮށްފައިވާ ކަމަށެވެ.
އިޒްރާއިލްގެ ޑިފެންސް މިނިސްޓަރ ބުނެފައިވަނީ ޣައްޒާއަށް ދޫކޮށްފައިވަ ކަރަންޓާއި ފެން އަދި ކާބޯތަކެތި ލިބޭ މަގުތައް ބަންދު ކޮށްފައިވާ ކަމަށެވެ.
ޣައްޒާގެ ވައިގެ ސަރަހައްދާއި ޣައްޒާއަށް ވަދެވޭ ތިން ބޯޑަރުގެ ތެރެއިން ދެ ބޯޑަރު ކޮންޓްރޯލް ކުރަނީ އިޒްރާއިލުންނެވެ. ތިންވަނަ ބޯޑަރަކީ މިޞްރުގެ ބެލުމުގެ ދަށުގައި އޮންނަ ތަނެކެވެ.
"އަހަރެމެން ޣައްޒާ އެއްކޮށް ބަންދު ކުރަނީމި، ފެންވެސް، ތެޔޮވެސް، ކަރަންޓުވެސް، ގޭސްވެސް، ކާބޯތަކެތިވެސް، ހުރިހާއެއްޗެއް ބަންދު، އަހަރެމެން ޣައްޒާ އެއްކޮށް ބަންދުކޮށްލީމި" އިޒްރާއިލްގެ ޑިފެންސް މިނިސްޓަރ ބުނެފައިވެއެވެ.
ފަލަސްޠީނުގެ ހަނގުރަމަ ވެރިން ދިން އިޒްރާއިލްގެ ޔަހޫދީން ސިއްސައިގެން ދިޔަ ހަމަލާ ތަކުގެ ރައްދެއްގެ ގޮތުގައި އިޒްރާއިލުން ހުއްޓުމެއް ނެތި ދެމުންދާ ހަމަލާތަކުގެ އަމާޒަކަށް ހަދައިފައިވަނީ ފަލަސްޠީނުގެ ޢާންމުން ދިރިއުޅޭ ތަންތަނެވެ.
އިޒްރާއިލްގެ ހަމަލާތަކުގެ ސަބަބުން މިހާތަނަށް 436 މީހުން ޝަހީދު ވެފައިވާއިރު އޭގެ ތެރޭގައި 91 ކުޑަކުދިންނާއި 61 އަންހެނަކު ހިމެނެއެވެ.
އެކިވަރުގެ ޒަޚަމްތައް ލިބިފައިވާ މީހުންގެ ޢަދަދު 2200 އިން މައްޗަށް އަރައިގެން ގޮސްފައިވެއެވެ.
Advertisement
This content is created and paid for by advertisers and does not involve Voice Journalists
