ހދ. މަކުނުދޫގައި ބިންހިއްކުމުގެ މަސައްކަތް ކުރަމުންދިޔަ ސައިޓްގައި ގޭސް ސިލިންޑަރު ގޮވިި ހާދިސާގައި ނިޔާވި ދެމީހުންގެ ހަށިގަނޑު އާއިލާއާއި ހަވާލު ކުރުމަށް އިންޑިއާއަށް ފޮނުވައިފި އެވެ. 

މިމަހު 21 ވަނަ ދުވަހުގެ ހަވީރު 4:15 ހާއިރު ހިނގި މަކުނުދޫ ގައި ހިނގި އެ ބިރުވެރި ޙާދިސާގައި ދެ ބިދޭސީއަކު ވަނީ ނިޔާވެފައެވެ. މި ޙާދިސާގައި ގޮވާފައިވަނީ އެރަށު ބަނދަރުގެ ދެކުނު ފަރާތުގައި ހުންނަ މަސް މާރުކޭޓު ކައިރީގައި އޮތް ގޭސް ސިލިންޑަރެކެވެ.

އެރަށުން ވޮއިސްއަށް މައުލޫމާތު ދިން މީހަކު ބުނީ އެ ހާދިސާ ހިނގި އެރަށުގެ މަސް މާރުކޭޓުގެ ވަށައިގެން ހުރި ބިއްލޫރިތައް ތެޅިފައިވާ ކަމަށާއި އަދި އެ ތަނުގެ ސީލިންގުވުވެސް ބިމާއި ހަމަވެފައިވާކަމަށެވެ. 

މީގެ އިތުރުން އޭނާ ބުނީ މަސް މާރުކޭޓު ބޭރުން ޗިސްވެފައިވާ އެއް ހަށިގަނޑު ފެށިފައިވާކަމަށާއި އަދި އެ ސަރަހައްދާއި 100 ވަރަކަށް ފޫޓު ދުރުން އެހެން ހަށިގަނޑެއް ފެނިފައިވާކަމަށެވެ. 

އަދި ފެނުނު ދެ ހަށިގަނޑުވެސް ވަނީ ގުނަވަންތައް ވަކިވެ ޗިސްވެފައިކަމަށް އެނާ މައުލޫމާތު ދިނެވެ. 

މިކަން ސީދާ ހިނގާ ދިޔަ ގޮތް އަދި ނޭނގޭއިރު މި ހާދިސާ ފުލުހުންނާއި އެމްއެންޑީއެފް ގުޅިގެން ދަނީ ބަލަމުންނެވެ.

އަދި ނިޔާވި ދެމީހުންގެ ހަށިގަނޑުގެ ބައިތައް އެއްކޮށް، މާކެ ގެނެސްގެން އިތުރު ތަހުލީލުތައް ވެސް ފުލުހުން ވަނީ ކޮށްފައެވެ.

އެއަށްފަހު އެމީހުންގެ ހަށިގަނޑު އިންޑިއާއަށް ފޮނުވާލާފައި ވަނީ އިއްޔެ ކަމަށް އޮފިޝަލް ވިދާޅުވި އެވެ.