ވެލާނާ އިންޓަނޭޝަނަލް އެއާޕޯޓުގެ 51% އިންސައްތަ މަސައްކަތް ނިމިފައިވާ ކަމަށާއި ބޭނުންވަނީ ބަކީ ނުނިމި ހުރި މަސައްކަތް ތައް އަންނަ އަހަރުގެ އޮކްޓޫބަރު މަހަށް ނިންމަން ކަމަށް އިންތިހާބީ ރައީސް ޑރ މުހައްމަދު މުއިއްޒު ވިދާޅުވެއްޖެއެވެ.

ވީއައިއޭގެ ޓާމިނަލް މަސައްކަތް ހިނގަމުންދާ ގޮތް ބައްލަވާލެއްވުމަށް ފަހު ނޫސްވެރިންނާއި ބައްދަލު ކުރައްވަމުން މުއިއްޒު ވިދާޅުވީ އެ މަނިކުފާނުގެ ސަރުކާރެއްގައި އެއާޕޯޓުގެ މަޝްރޫއު ވެގެން ދާނީ އެންމެ އިސްކަމެއް ދެވިގެން ކުރިއަށް ދާން މަޝްރޫއު ކަމަށެވެ. އޭގެ ސަބަބެއް ކަމުގައި ވިދާޅުވީ ރާއްޖޭގެ އިގްތިޞާދު ކޮޅަށް ޖަހައިދޭ މައިގަނޑު ތަބަކީ ވެލާނާ އިންޓަނޭޝަނަލް އެއާޕޯޓަށް ވުމެވެ.

"އަޅުގަނޑަށް އެނގޭ މައުލޫމާތަކީ މިކުރެވޭ މަސައްކަތުގެ ތެރެއިން ސައުދީ ބިން ލާދިން ގްރޫޕާއި ހަވާލު ކުރެވިފައިވާ މަސައްކަތުގެ ތެރެއިން އެބޭފުޅުންގެ ސްކޯޕުން ގާތްގަނޑަކަށް 54% ނިމިފައިވާ ކަމަށް އެބޭފުޅުން ވިދާޅުވޭ. ދެން އޭގެ ނިޝާން ތައް އެބަ ފެނޭ. އެބޭފުޅުންގެ ސްކޯޕްގައި މަޝްރޫއު ނިންމަން އެބައޮތް 2025 ގެ މެދަކާއި ހިސާބުގައި" އެބޭފުޅާ ވިދާޅުވިއެވެ.

Advertisement

ޓާމިނަލް ގެ މަސައްކަތުގެ ސްޕީޑް މިހާރަށް ވުރެ ބޮޑަށް އަވަސް ކުރުމަށް ބޭނުންވާކަމަށް މުއިއްޒު ފާހަގަ ކުރެއްވިއެވެ.

މި މަސައްކަތް ތަކުގެ އިތުރުން ވެސް އެއާޕޯޓުގެ މަގު ހެދުމާއި ޖެޓް ޓާމިނަލްއާއި އެއާޕޯޓު ޕާކިން އަށް ވެސް އެކަށީގެންވާ ހައްލެއް ގެނައުމަށް ބަޔަކާއި ހަވާލު ކުރަން ޖެހޭ ކަމަށް ވަނީ އިންތިހާބީ ރައީސް ވިދާޅުވެފައެވެ.

އެއާޕޯޓު ޓާމިނަލް ގެ މަސައްކަތަކީ ނުނިމި ވަރަށް ގިނަ ދުވަސް ތަކެއް ވެގެން ދިޔަ މަސައްކަތް ތަކެކެވެ.