އިންތިޚާބީ ރައީސް ޑރ މުހައްމަދު މުއިއްޒު، ވެލާނާ އިންޓަނޭޝަނަލް އެއަރޕޯޓުގެ އާޓާރމިނަލްގެ މަސައްކަތް ކުރާ ސައިޓަށް ވަޑައިގެން މަޝްރޫޢު އަމިއްލަފުޅަށް ބައްލަވައިލެއްވުމަކީ މަޝްރޫއު ބާރަށް ކުރިޔަށް ގެންދަވާނެ ކަމުގެ އަލިގަދަ ދަލީލެއް ކަމަށް ނައިފަރު ދާއިރާގެ މަޖިލިސް މެމްބަރު އަހްމަދު ޝިޔާމް ވިދާޅުވެއްޖެއެވެ.
މި ފަދައިން ޝިޔާމް ވިދާޅުވެފައި މިވަނީ ޓްވިޓާގައި ކުރެއްވި ޕޯސްޓެއްގައިއެވެ.
ޝިޔާމް ވިދާޅުވީ ވީއައިއޭގެ އާޓާރމިނަލް މަސައްކަތަކީ ރައީސް ޔާމީންގެ ޒަޢާމަތުގައި ފެށުނު ރާއްޖޭގެ އެންމެ ބޮޑު ތަރައްޤީގެ މަޝްރޫޢުކަމަށާއި އެކި ސަބަބު ތަކާއި ހުރެ އެ މަޝްރޫއު ވަނީ ހުއްޓިފައި ކަމަށެވެ.
"ރާއްޖޭގެ އިޤްތިޞާދު ހިންދެމިލަން އެންމެ ބޮޑު ދައުރެއް އަދާކުރާނެ މި މަޝްރޫޢު ވީހާވެސް އަވަހަށް ނިންމަވާ ޚިދުމަތް ފެއްޓެވުމަކީ އިންތިޚާބީ ރައީސް ޑރ މުއިއްޒު ގެ އެންމެބޮޑު އެއް އަމާޒު. ސައިޓަށް ވަޑައިގެން މަޝްރޫޢު އަމިއްލަފުޅަށް ބައްލަވައިލެއްވުމަކީ މަޝްރޫއު ބާރަށް ކަުރިޔަށް ގެންދަވާނެ ކަމުގެ އަލިގަދަ ދަލީލެއް. " ޝިޔާމް ވިދާޅުވިއެވެ.
ވެލާނާ އިންޓަރނޭޝަނަލް އެއަރޕޯޓްގައި ތަރައްޤީ ކުރަމުންގެންދާ އައު ޓަރމިނަލްގެ މަސައްކަތް ބައްލަވާ ލެއްވުމަށްޓަކައި ޑރ މުޢިއްޒު ވަނީ އިއްޔެ އެ ސަރަހައްދަށް ވަޑައިގެންފައެވެ.
އެ ސަރަހައްދަށް ވަޑައިގެން އެ މަސައްކަތްތައްް ބެލެއްވުމަށްފަހު ނޫވެސްވެރިންނާއި ބައްދަލުކުރައްވާ ދެއްކެވި ވާހަކަ ފުޅުގެ ތެރެއިން ޑރ މުއިއްޒު ވަނީ, ރާއްޖޭގެ އިގްތިސާދު ނަގައި ކޮޅަށް ޖެހުމަށް ބަލާއިރު ވެލާނާ އިންޓަރނޭޝަނަލް އެއަރޕޯޓްއަކީ އިގްތިޞާދުގެ މައި ދޮރާށިކަމުގައި ވުމުން، އެ މަޝްރޫއު ނިންމުން އެއީ އެމަނިކުފާނުގެ ސަރުކާރެއްގައި އެންމެ އިސްކަމެއް ދެއްވާނެ އިޤްތިޞާދީ މަޝްރޫޢުކަމުގައި ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
