ރައްޔިތުންގެ މަޖިލީހުގެ ނައިބު ރައީސް ކަމުން ގަލޮޅު އުތުރު ދާއިރާގެ މެންބަރު އީވާ އަބްދުالله ވަކިކުރަން މަޖިލީހުގެ 50 މެންބަރުންގެ ސޮޔާއެކު މަޖިލީހަށް ގަރާރެއް ހުށަހަޅައިފި އެވެ.
އީވާ ވަކިކުރުމުގެ ގަރާރުގައި ސޮއިކުރެއްވީ އެމްޑީޕީގެ 49 މެންބަރުންނާއި، އަމިއްލަ މެންބަރެއްގެ ގޮތުގައި އިންނަވާ ނޮޅިވަރަމް ދާއިރާގެ މެންބަރު މުހައްމަދު ނަޝީދު އަބްދުالله އެވެ.
މަޖިލީހުގެ ނައިބުރައީސްކަމުން އީވާ ވަކިކުރަން އެމްޑީޕީން ހުށަހަޅާފައި މިވަނީ، މަޖިލީހުގެ ރައީސް މުހައްމަދު ނަޝީދު މަގާމުން ވަކިކުރަން އެމްޑީޕީން ހުށަހެޅި މައްސަލަ އެެޖެންޑާކުރުމަށް ފަހުގައިވެސް ކުރިއަށް ގެންދެވޭ ގޮތް ނުވުމުންނެވެ. އެމްޑީޕީން ތުހުމަތުކުރާ ގޮތުގައި މައްސަލައަށް ހުރަސް އަޅުއްވަނީ ރައީސް ނަޝީދާއި އާއިލީގޮތުން ދެބެންގެ ދެދަރި ކަމުގެ ގުޅުން އޮންނަ ނައިބު ރައީސް އީވާ އެވެ.
މީގެ ކުރިން ވެސް އެމްޑީޕީން ވަނީ މަޖިލީހުގެ ނައިބު ރައީސް އީވާގެ އިތުބާރު ނެތްކަމުގެ މައްސަލައެއް ހުށައަޅާފައެވެ.
އެހެން ނަމަވެސް ރިޔާސީ އިންތިޚާބުގެ ދެވަނަ ބުރުގައި އެ މައްސަލަ ޕާޓީން އަނބުރާ ނަގާފައިވާއިރު، ދެވަނަ ފަހަރަށް އީވާގެ އިތުބާރު ނެތްކަމުގެ މައްސަލަ އެމްޑީޕީން ހުށަހަޅާފައި މިވަނީ ނަޝީދު މަޖިލީހުގެ ރިޔާސަތުން ވަކިކުރުމަށް ހުށައަޅާ މައްސަލައިގެ ގަރާރު އިއްވުމަށް ބޭއްވި ޖަލްސާ ކުރިއަށް ނުގެންދަވައި، މަޖިލީހުގެ އިމްތިޔާޒަށް އޭނާ އަރާފައިވާ ކަމަށް އާއްމު ކޮމިޓީން ނިންމާފައިވަނިކޮށެވެ.
Advertisement
This content is created and paid for by advertisers and does not involve Voice Journalists
