އެމްއެމްޕީއާރުސީ ޚިޔާނާތުގެ މައްސަލާގައި މުގުލުގައި ތިބި ކުރީގެ ނައިބުރައީސް އަޙްމަދު އަދީބާއި އެމްއެމްޕީއާރުސީގެ ކުރީގެ މެނޭޖިން ޑިރެކްޓާ އަބްދުالله ޒިޔަތަށް، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު މައާފުދެއްވައި ދެ މީހުންވެސް މިނިވަންކޮށްފިއެވެ.

މައުލޫމާތު ލިބިފައިވާ ގޮތުގައި އަދީބާއި ޒިޔަތު މިނިވަންކޮށްފައިވަނީ އަދަބު ލުއިކޮށްދިނުމާއި މައާފުދިނުމުގެ ޤާނޫނުގެ ދަށުން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަށް ލިބިވަޑައިގަންނަވާ ބާރުގެ ތެރެއިންނެވެ.

އަދީބުވަނީ ނިމުނު ރިޔާސީ އިންތިޚާބުގެ ކުރިން އޭނާއަށް ޕެރޯލުގެ ޤާނޫނުގެ ދަށުން މައާފު ދިނުމަށް ސަރުކާރަށް ހުށަހަޅާފައެވެ. 

Advertisement

އެމްއެންޕީއާރުސީ މައްސަލައިގައި އަދީބާއި ޒިޔަތުގެ މައްޗަށް ކުށް ސާބިތުވެފައި ވާއިރު، ދައުލަތުން ވަނީ އެ ދެމީހުންނާއެކު އިއުތިރާފުގެ އެއްބަސްވުމެއް ހަދައިފައެވެ. ދައުލަތުން ވަނީ އެ ހިޔާނާތް ހިނގިއިރު ރައީސް އަކަށް ހުންނެވި ކުރީގެ ރައީސް ޔާމީނާ ދެކޮޅަށް ކޯޓުގައި ހެކީންގެ ގޮތުގައިވެސް އެފަހުން އަދީބާއި ޒިޔަތު ބޭނުން ކޮށްފައެވެ.

އެމްއެމްޕީއާރުސީގެ ހިޔާނާތުގެ މައްސަލައިގައި އަދީބުގެ މައްޗަށް 20 އަހަރުގެ ޖަލު ހުކުމެއް އިއްވައި، ދެ މިލިއަން ރުފިޔާއިން ވަނީ ޖޫރިމަނާ ކޮށްފައެވެ. އެކަމަކު، އެ ހުކުމް އިއްވިއިރު ވެސް ދައުލަތާ އެކު ހެދި އިއުތިރާފުގެ އެއްބަސްވުމާ އެކު ބަލި ހާލާތު ހުރި ގޮތުން ކަމަށް ބުނެ އަދީބު ހުރީ ގޭ ބަންދުގައެވެ.

މި ހިނާޔާތް ސާބިތުވެ ޒިޔަތުގެ މައްޗަށްވެސް ވަނީ ޖުމުލަ 31 އަހަރުގެ ޖަލު ހުކުމެއް އިއްވާފައެވެ.