23 ނޮވެމްބަރު 2023 ގައި ފެށުމަށް ހަމަޖެހިފައިވާ އިހަވަންދޫ ކައުންސިލް ކަޕް ފުޓްސަލް މުބާރާތުގައި އެންމެ ފަހުގެ ޗެމްޕިއަން އެންވީކޭ އިން ބައިވެރިވެ، ތައްޔާރުވަމުން އަންނަނީ ޖެހިޖެހިގެން ފަސްވަނަ ފަހަރަށް މި މުބާރާތުގެ ތަށި ކާމިޔާބުކުރުމަށް ކަމުގައި އެޓީމުގެ ކޯޗު މުހައްމަދު ޝުޖާއު ބުނެފިއެވެ.
އިހަވަންދޫ ކައުންސިލްގެ ފަރާތުން އިންތިޒާމްކޮށްގެން 23 ނޮވެމްބަރު 2013 ން ފެށިގެން 01 ޑިސެމްބަރު 2023 ގެ ނިޔަލަށް ކުރިޔަށް ގެދިއުމަށް ހަމަޖެހިފައިވާ މި މުބާރާތުގައި މިއަހަރު 8 ޓީމަކުން ބައިވެރިވެފައިވާއިރު، މުބާރާތް ކުރިއަށް ގެންދިއުމަށް ހަމަޖެހިފައިވަނީ ދެ ގުރޫޕަކަށް ބަހާލައިގެން ކޮންމެ ގްރޫޕަކުން ވެސް އެންމެ ގިނަ ޕޮއިންޓް ހޯދާ ދެޓީމު ސެމީ ފައިނަލަށް ހޮވޭގޮތަށެވެ.
މީގެ ކުރިން މި މުބާރާތް ފަސްފަހަރު ބޭއްވިއިރު އޭގެތެރެއިން އެންމެ ފަހުން ބޭއްވުނު ހަތަރު މުބާރާތް 2017 ,2020 ,2021 އަދި 2022 ވަނަ އަހަރުގެ ޗެންޕިއަން ހޯދާފައިވަނީ އެންވީކޭ އިންނެވެ.
މި މުބާރާތާއި ބެހޭ ގޮތުން ވޮއިސް އަށް މައުލޫމާތު ދެމުން އެންވީކޭ ކޯޗު މުހައްމަދު ޝުޖާއު ބުނީ މުބާރާތް އިއުލާން ކުރުމާއެކު އެޓީމުން ތައްޔާރުވާން ފެށި ކަމަށާއި، ޓީމުގެ ތައްޔާރީތަކާ މެދު ވަރަށް ހިތްހަމަޖެހޭ ކަމަށެވެ.
"މިދިޔައަހަރު ޓީމުގައި ހިމެނުނު މުހިންމު ހުރިހާ ކުޅުންތެރިން މިއަހަރުގެ ޓީމުގައި ވެސް އެބަހިމެނޭ." 2020, 2021 އަދި 2022 ވަނަ އަހަރު އެންވީކޭ އަށް ކައުންސިލް ކަޕް ކާމިޔާބުކޮށްދިން ކޯޗު ބުންޏެވެ.
އިތުރަށް ވާހަކަ ދައްކަމުން ޝުޖާއު ބުނީ އެހެން އަހަރު ތަކަށްވުރެ މިއަހަރުގެ މުބާރާތް ފޯރި ގަދަވާނެކަމަށް ގަބޫލު ކުރެވޭ ކަމަށާއި އެޓީމަށް ތަށި ދިފާއުކުރިއަ ނުދިނުމަށް އެހެން ހުރިހާ ޓީމަކުން ވެސް ވަރަށް މަސައްކަތް ކުރާނެކަމަށެވެ. ނަމަވެސް މިޓީމާއި މެދު ވަރަށްބޮޑު އިތުބާރެއް އެބައޮތް ކަމަށާއި މުބާރާތައް ނުކުންނާނީ ފުރިހަމަ އިތުބާރާއި އެކު ޖެހިޖެހިގެން ފަސްވަނަ ފަހަރަށް ތަށި ކާމިޔާބުކުރުމަށް ކަމަށެވެ.
Advertisement
This content is created and paid for by advertisers and does not involve Voice Journalists
