އިންތިޚާބީ ރައީސް ޑރ މުހައްމަދު މުއިއްޒު މާލެސިޓީ މޭޔަރ ކަމުން އިސްތިއުފާ ދެއްވައިފިއެވެ.
އިމްތިޚާބީ ރައީސް މުޢިއްޒު ކުރެއްވު ޓުވީޓެއްގައި ވިދާޅުވީ، މާލެ ސިޓީގެ މޭޔަރ ކަމުން އެމަނިކުފާނު އިސްތިއުފާ ދެއްވީ މިއަދު ކަމަށެވެ.
"މި ފުރުސަތުގައި، މާލެ ސިޓީ ކައުންސިލްގެ އެންމެހާ ކައުންސިލަރުންނާއި، ވެރިންނާއި، މުވައްޒަފުން އަޅުގަނޑަށް ދެއްވި ފުރިހަމަ އެއްބާރުލެއްވުމަށާއި، ކުރެއްވި ބުރަ މަސައްކަތްޕުޅަށް ނުހަނު އިޚްލާސްތެރިކަމާއެކު ޝުކުރު ދަންނަވަން! އަދި، މާލެ ސިޓީގެ ލޮބުވެތި ރައްޔިތުން އަޅުގަނޑު މޭޔަރ ކަމަށް ހޮވުމަށް ކުރެއްވި ތާޢީދަށާއި، މޭޔަރ ކަމުގައި ޚިދުމަތް ކުރުމުގައި ދެއްވި ތާޢީދާއި އެއްބާރުލެއްވުމަށް ފަށްފަށުން ޝުކުރު ދަންނަވަން!" އިންތިޚާބީ ރައީސް ޑރ. މުހައްމަދު މުޢިއްޒު ވިދާޅުވިއެެވެ.
މުޢިއްޒު އިތުރަށް ވިދާޅުވީ ކުރިއަށް އޮތް ތަނުގައިވެސް މާލެ ސިޓީގެ ރައްޔިތުންގެ އުއްމީދުތައް ޙާސިލް ކޮށްދިނުމުގައި ވަރުގަދަ ޢަޒުމުގައި މަސައްކަތްކޮށް، މާތް اللهގެ އިރާދަފުޅާއެކު، އެ އުއްމީދުތައް ޙަޤީޤަތަކަށް ހަދައިދެއްވާނެ ކަމަށެވެ.
އިންތިޚާބީ ރައީސް މިއަދު މާލޭ މެޔަރގެ މަގާމުން އިސްތިއުފާ ދެއްވާފައި މިވަނީ، ރަސްމީކޮށް ރައީސުލްޖުމްހޫރިއްޔާގެ މަގާމާއި އެމަނިކުފާނު ހަވާލުވެވަޑައިގެންނެވުމަށްޓަކައެވެ.
އެގޮތުން ޑރ. މުޢިއްޒު، ރައީސުލްޖުމްހޫރިއްޔާ ކަމުގެ ހުވާ ކުރެއްވުމާއި، އިންތިޚާބީ ނާއިބު ރައީސް ހުސައިން މުހައްމަދު ލަތީފް ނާއިބު ރައީސް ކަމުގެ ހުވާ ކުރެއްވުމުގެ ރަސްމިއްޔާތު ބޭއްވުމަށް ހަމަޖެހިފައިވަނީ މިއަދު ހަވީރު 4:30 ގައި ޖުމްހޫރީ މައިދާނުގައެވެ.
Advertisement
This content is created and paid for by advertisers and does not involve Voice Journalists
