ކުރީގެ ރައީސް ޔާމީނު އަބްދުލްގައްޔޫމްގެ ވެރިކަމުގައި ގދ. ތިނަދޫގައި އިމާރާތްކުރި އިސްލާމީ މަރުކަޒު، އިސްލާމިކް ޔުނިވާސިޓީގެ ދަށަށް ބަދަލުކުރަން އިސްލާމިކް މިނިސްޓަރު ޑރ. މުޙައްމަދު ޝަހީމް ޢަލީ ސަޢީދު ނިންމަވައިފިއެވެ.
އައު ސަރުކާރުގެ އިސްލާމިކް މިނިސްޓްރ ކަމާއި ހަވާލުވެވަޑައިގެން ނިންމެވި އެންމެ ފުރަތަމަ ނިންމެވުމެއްގެ ގޮތުގައި ތިނަދޫ އިސްލާމީ މަރުކަޒު އައިޔޫއެމްއާއި ހަވާލުކުރުން އަންނަ އަންގާރަ ދުވަހު އޮންނާނެ ކަމުގައި މިނިސްޓަރ ޝަހީމްގެ ފޭސްބުކް އެކައުންޓް މެދުވެރިކޮށް ވަނީ އިޢުލާނު ކުރައްވައިފައެވެ. އަދި އޭގެ ސަބަބުން އިސްލާމީ ޢިލްމު އުނގެން ބޭނުންވާ ދަރިވަރުން އެ ސަރަހައްދުން މާލެ ނައިސް ކިޔެވޭނެ ގޮތް ފަހިވާނެ ކަމަށް ވެސް ޝަހީމް ވިދާޅުވިއެވެ.
އެއީ އިސްލާމީ ހަޟާރަތާއި ސަގާފަތުގެ މަރުކަޒަކަށް ވެގެންދާނެ
ޑރ ޝަހީމް
ތިނަދޫގައި އިސްލާމީ މަރުކަޒެއް ބިނާ ކޮށްފައި ވަނީ ކުރީގެ ރައީސްޔާމީންގެ ވެރިކަމުގައެވެ. އެތަނަށް ނިމިގެން ދިޔަ އެމްޑީޕީގެ ސަރުކާރުން އަޅައިނުލާތީ، ޑރ.ޝަހީމް މީގެ ކުރިން ވެސް ވަނީ ކަންބޮޑުވުންފާޅު ކުރައްވައިފައެވެ.
Advertisement
This content is created and paid for by advertisers and does not involve Voice Journalists
