ވެރިކަން ކުރާ މައި ޕާޓީ, ޕީޕަލްސް ނެޝަނަލް ކޮންގްރެސް (ޕީއެންސީ) އަށް 10،000 މެމްބަރުން ހަމަކުރުމަށް އެ ޕާޓީން ކުރަމުންދާ މަސައްކަތުގެ ތެރެއިން 2000 އައްވުރެ ގިނަ މީހުން އެ ޕާޓީއަށް ސޮއިކޮށްފިއެވެ.

ޕީއެންސީއަށް އަލަށް ގުޅުނު މެމްބަރުންގެ ފޯމުތަކާ ހަވާލުވީ އެ ޕާޓީގެ ޗެއާޕަރސަން އަދި ރައީސުލްޖުމްހޫރިއްޔާގެ ޚާއްސަ މުޝީރު ޢަބްދުއްރަޙީމް އަބްދުالله (އަދުރޭ) އެވެ.

ޕީއެންސީއާއި ގުޅުނު 2000ށްހާ މީހުންގެ ތެރޭގައި ހިމެނެނީ ލ. ގަމުން 370 ފޯމު، ގދ. ތިނަދޫއިން 150 ފޯމު، އައްޑޫ މީދޫން 100 ފޯމު، ލ. ގަމުން އިތުުރު 600 ފޯމު، މައްޗަންގޯޅި ދެކުނުން 350 ފޯމު، ފ. ނިލަންދޫން 200 ފޯމު، ތ. ކިނބިދޫން 150 ފޯމު މީގެ އިތުރުން ވެސް ބައެއް އިތުރު ދާއިރާތަކުން ގުޅުނު މީހުންނެވެ. 

Advertisement

މިދިޔަ ފެބްރުއަރީ ހަމައަށް 21 އާ އިކެކްޝަން ކޮމިޝަންގެ ސިޔާސީ ޕާޓީތަކުގެ ދަފްތަރުގައި ޕީއެންސީގައި މެންބަރުންގެ ގޮތުގައި ތިބީ 3159 މެންބަރުންނެވެ.

ރައީސް ޑރ. މުޙައްމަދު މުޢިއްޒުގެ އަމާޒަކީ ތިން މަސް ތެރޭގައި ޕީއެންސީ އަށް 10،000 މެމްބަރުން އިތުރުކޮށް، އެ ޕާޓީ ވަރުގަދަ ކުރުމެވެ. އެ ކަމަށްޓަކައި އެ މަނިކުފާނު ގެންދަވަނީ މަސައްކަތްތަކެއް ކުރައްވަމުންނެވެ.

ރައީސް ޑރ. މުޢިއްޒު ބޭނުންފުޅުވަނީ ކުރިއަަށް އޮތް ރައްޔިތުންގެ މަޖިލިހުގެ އިންތިހާބުގައި ވެސް ޕީޕީއެމް/ޕީއެންސީ ގުޅިގެން ވާދަކޮށް، މަޖިލިހުގެ ބޮޑު އަޣުލަބިއްޔަތެއް ހޯދުމަށެވެ.