އިސްރާއީލުގެ ހައްދުފަހަނަ އަޅައިފައިވާ ސިފައިން ފަލަސްޠީނަށް ދެމުން ގެންދާ ހަމަލާތަކުގައި ހާކުގައި ޖެހިފައިވާ ފަރާތްތަކަށް އެހީތެރިވުމުގެ ގޮތުންނާއި އެ ހަމަލާތަކުގައި ޝަހީދުވަމުން އަދި ހާލުގައި ޖެހެމުންދާ އާންމުންނާއި ކުޑަކުދިންގެ ހައްޤުގައި އަޑު އުފުލުމުގެ ގޮތުން އިނގުރައިދޫ ގައި ޚާއްސަ ހަރަކާތްތަކެއް ފަށައިފިއެވެ.
މި ހަރަކާތްތަކުގެ މައިގަނޑު މަޤްސަދަކީ އޫއެން ގެ ފަރާތުން ބައިނަލްއަޤވާމީ ކުޑަކުދިންގެ ދުވަހެއް ފާހަގަކުރަމުން އަންނަ އިރު ދުނިޔޭގެ ޤައުމެއްގައި އެއްވެސް ޙައްޤަކާއި ނުލައި ކުޑަކުދިން ޝަހީދުކޮށް ހާލުގައި ޖައްސަމުން އަންނަ އިރު ޔޫއެން އެކަމަށް އެއްވެސް ވަރެއްގެ ބަހެއް ނުބުނެ ހަނު އޮންނަ އޮތުމާއި ދެކޮޅަށް އިނގުރައިދޫ ރައްޔިތުން ތިބިކަން ދައްކުވައިދިނުންކަމަށެވެ.
ފަލަސްޠީނުގެ ކުޑަކުދިންގެ ލޭބޮމުން އަންނަ އިރުވެސް ޔޫއެން އޮތީ ހަނު، އަޅުގަނޑުމެން މިތިބީ ފަލަސްޠީނުގެ ރައްޔިތުންނާއެކު
ހަރަކާތުގެ އިސްވެރިއެއް
އެގޮތުން މިއަދާ މާދަމާ އިނގުރައިދޫގައި ހާއްސަ ހަރަކާތަކެއް ކުރިއަށް ގެންދިއުމަށް ވަނީ ރާވައިފައެވެ. މިއަދު އެރަށުގެ ރައްޔިތުން ހެދިކާ ވިއްކުމުގެ ހަރަކާތެއް ކުރިއަށް ގެންދާއިރު، މާދަމާ އެރަށުގައި ޔޫއެންގެ އަމަލުތަކާއި ދެކޮޅަށް އަދި އިސްރާޢީލުގެ ހަމަލާތަކާއި ދެކޮޅަށް އަޑު އުފުލައި ޚާއްސަ ހިނގާލުމެއް އޮންނާނެކަމަށް އެރަށުން މައުލޫމާތު ދެއެވެ.
މި ހަނގާލުމުގެ ތެރެއިންވެސް ފަލަސްޠީނުގެ ރައްޔިތުންނަށް އެހީވުމުގެ ޚާއްސަ ހަރަކާތްތަކެއް ކުރިއަށްދާނެ ކަމުގައި އެރަށުން މައުލޫމާތުދެއެވެ.
Advertisement
This content is created and paid for by advertisers and does not involve Voice Journalists
