ރައީސުލްޖުމްހޫރިއްޔާ ޑރ މުހައްމަދު މުޢިއްޒަކީ ރައްޔިތުންގެ ޚިދުމަތުގައި ގިނަ ވަގުތު މަސައްކަތް ކުރައްވާ ބޭފުޅެއް ކަމަށް، އިކޮނަމިކް މިނިސްޓަރު މުހައްމަދު ސަޢީދު ވިދާޅުވެއްޖެއެވެ.
ސަޢީދު މިފަދައިން ވިދާޅުވީ އޭނާ މިއަދު ކުރެއްވި ޓްވީޓެއްގައެވެ.
ރައީސް ޑރ މުއިއްޒުގެ މަސައްކަތްޕުޅަށް ތަޢުރީފް ކުރައްވައި ސަޢީދު ކުރެއްވި އެ ޓުވީޓުގައި އޭނާ ވަނީ، ވެރިކަމުގެ ފުރަތަމަ ޙަފްތާގައި މުހިއްމު މަސައްކަތްތަކެއް އެމަނިކުފާނު ކުރިއަށްގެންދަވާފައި ކަން ފާހަގަކުރައްވާފައެވެ. އަދި މިވީ ދުވަސްތަކުގައި ރައީސް މުޢިއްޒަކީ ބުރަ އަދި ގިނަވަގުތު ރައްޔިތުންގެ ޚިދުމަތުގައި ހޭދަކުރައްވާ ވެރިއެއްގެގޮތުގައި ފާހަގަވެފައިވާ ކަމަށް ސަޢީދު ވިދާޅުވި އެވެ.
"އަޅުގަނޑަށް ފާހަގަވީ، ވަރުބަލިކަމެއްނެތި ބުރަ އަދި ގިނަވަގުތު ރައްޔިތުންގެ ޚިދުމަތުގައި ހޭދަކުރައްވާ ވެރިއެއްގެ ގޮތުގައި. إن شاء الله ދެން ދާނީ ބާރުސްޕީޑާއިއެކު ކުރިއަށް!" ސަޢީދު ވިދާޅުވިއެވެ.
ރައީސް ޑރ. މުޢިއްޒުގެ މަސައްކަތަށް ތަޢުރީފް ކުރައްވައި ސައީދު ޓުވީޓެއް ކޮށްފައިވާއިރު، ސަރުކާރުގެ ގިނަ ވުޒާރާތައް ފުރަތަމަ ހަފްތާއިން ފެށިގެންވެސް ވަރަށް ބާރަށް ހިނގަމުންދާ ކަމަށް ގިނަ ބަޔަކު އަންނަނީ ބުނަމުންނެވެ.
ރައީސްގެ ކެބިނެޓްގައި ހިމެނިވަޑައިގަންނަވާ މިނިސްޓަރުންވެސް ފާހަގަ ކުރައްވާފައިވާ ގޮތުގައި އެމަނިކުފާނު ބޭނުންފުޅުވަނީ ކަންކަން ވަރަށް ބާރު ސްޕީޑެއްގައި ކުރިއަށް ދިޔުމަށެވެ. އެހެންކަމުން، އެކަމަށްޓަކައި މަސައްކަތް ކުރެއްވުމަށް އިރުޝާދު ދެއްވަމުންދާ ކަމަށް މިނިސްޓަރުން ފާހަގަ ކުރައްވައެވެ.
Advertisement
This content is created and paid for by advertisers and does not involve Voice Journalists
