ދިވެހިރާއްޖޭގެ ގައުމީ ޔުނިވާރސިޓީގެ މެޑިކަލް ކޮލެޖެއް ހުޅުމާލޭގައި ގާއިމްކުރުމުގެ މަސައްކަތް ކުރަމުން ދާކަމަށް، ގައުމީ ޔުނިވާރސިޓީގެ ވައިސް ޗާންސިލާރ ޑރ. ޝެހެނާޒް އާދަމް ވިދާޅުވެއްޖެއެވެ.

ޕީއެސްއެމް ނިއުސްގެ ރާއްޖެ މިއަދު ޕަރޮގްރާމްގައި ވާހަކަ ދައްކަވަމުން ޝެހެނާޒް ވިދާޅުވީ، މިވަގުތު ރާއްޖޭގައި ހުރި މެޑިކަލް ސްކޫލް ހިންގަމުންދަނީ ވަރަށް ކުޑަ ޖާގައެއްގަ ކަމަށެވެ. ޝެހެނާޒް ވިދާޅުވީ ސިއްހީ ދާއިރާއަކީ ވަރަށް ގިނަ އަދަދެއްގެ ކުދިން ތައުލީމު ހާސިލްކޮށް، ނުކުނަން ބޭނުންވާ ދާއިރާއެއްކަމަށާއި، އެހެންކަމުން އެފުރުސަތުތައް ދަރިވަރުންނަށް ހޯދައިދިނުމަށް މަސައްކަތް ކުރައްވާނެކަމަށެވެ.

މެޑިކަލް ކޮލެޖެއް ހުޅުމާލޭގައި ގާއިމު ކުުރުމަށްޓަކައި މިހާރު މަސައްކަތް ފަށާފައިވާކަން ހާމަކުރައްވާ ޝެހެނާޒް ވިދާޅުވީ، އެކޮލެޖްގެ ޑިޒައިންތައްވެސް މިހާރު ވަނީ ނިމިފަކަމަށެވެ.

"އެހެންވީމާ އެވެސް ޓީޗިންގ ހޮސްޕިލަކާ އެއްކޮށް އަޅުގަނޑުމެންގެ ޑިޒައިން ކޮސްފަމިވަނީ،" ޝެހެނާޒް ވިދާޅުވިއެވެ.

އިތުރަށް އޭނާ ވިދާޅުވީ، އަންނަ އަހަރުގެ ތެރޭގައި މެޑިކަލް ކޮލެޖު އެޅުމުގެ މަސައްކަތްތައްވެސް ފެށިގެން ވަރަށް ބާރަށް ކުރިއަށްދާނޭކަމަށެވެ.

ޤައުމީ ޔުނިވާސިޓިގެ މެޑިކަލް ސްކޫލް މިހާރު ހިންގަމުން އަންނަނީ ދަރުމަވަންތަ ހޮސްޕިޓަލުގެ 2 ފަންގިފިލާގައެވެ. މެޑިސިންގ ގެ ދާއިރާއިން ޖުމްލަ 196 ދަރިވަރުން މިހާރުވެސް އަންނަނީ  ގައުމީ ޔުނިވާސިޓީގައި ތަޢުލީމު ހާސިލްކުރަމުންނެވެ.