އެއްވެސް އިރެއްގައި މަސައްކަތް ބިނާކުރީ، މަޖިލީހުގެ ރިޔާސަތުގައި އިން ގޮޑިއަށް ނޫން ކަމަށް ރައްޔިތުންގެ މަޖިލީހުގެ ކުރީގެ ނައިބު ރައީސާ އީވާ އަބްދުالله ވިދާޅުވެއްޖެއެވެ.
މިއަދު މަގާމުން އިސްތިއުފާ ދެއްވި އީވާ މިފަދައިން ވިދާޅުވީ މިއަދު ކުރެއްވި ޓްވީޓެއްގައެވެ.
"ދިވެހިން ކުރި އިސްލާހީ މަސައްކަތުގައި، އަދި އެމީހުންގެ މުސްތަގުބަލަށްޓަކައި ކުރާ އުންމީދުތަކުގައި، އަޅުގަނޑަށް ކުރެވުނު މަސައްކަތެއް، އަދި މާތް اللهގެ އިރާދަފުޅުން ދެންވެސް ކުރަން އޮތް މަސައްކަތެއް، އެއްވެސް އިރެއްގައި ބިނާކުރީ، މަޖިލީހުގެ ރިޔާސަތުގައި އިން ގޮޑިއަށްކަށް ނޫން."
އީވާ ވިދާޅުވިއެވެ.
މީގެ އިތުރުންވެސް އީވާ ވިދާޅުވީ، ވެރިކަން ގެއްލުމުގެ އަދަބު ދެވިދާނެކަމަށެވެ. ނަމަވެސް، ނާޖާއިޒު ކަންކަން ކުރުމަށް ވުރެ، ނާޖާއިޒު ކަންކަމުގެ ވާހަކަ ދައްކަާ ހާމަކޮށްދޭ މީހުނަށް އަދަބު ދިނުމަކުން އެއްވެސްކަމެއް އިސްލާހެއް ނުވާކަމަށެވެ.
އީވާ ރައްޔޮތުންގެ މަޖިލީހުގެ ނައިބު ރައީސާގެ މަގާމުން އިސްތިއުފާދެއްވީ މިއަދު ވަކިކުރުމުގެ މައްސަލައިގެ ޖަލްސާ ރައްޔިތުންގެ މަޖިލީހުގައި ކުރިއަށް ދަނިކޮށެވެ.
ޖަލްސާ ފެއްޓެވުމަށް ފަހު ރިޔާސަތުން ރައީސް މުހައްމަދު އަސްލަމް ވަނީ ޖަވާބުދާރީވެ ވަޑައިގަތުމަށް އިވާއަށް 30 މިނެޓްގެ ވަގުތު ދެއްވާފައެވެ. ޖަވާބު ދާރީ ވުމަށް ލިބިވަޑައިގެންނެވި ވަގުތުގައި އީވާ ވަނީ އެކަމަނާގެ ދިފާއުގައި ވަރަށް ދިގުކޮށް ވާހަކަފުޅު ދައްކަވާފައެވެ.
އީވާގެ ވާހަކަފުޅުގައި ވަނީ، އެކަމަނާގެ އިސްތިއުފާގެ ސިޓީ ކުޑައިރުކޮޅެއްގެ ތެރޭގައި ރިޔާސަތަށް ލިބިވަޑައިގަންނަވާނެ ކަމަށް ވިދާޅުވެފައެވެ. އެކަމަނާގެ އިސްތިއުފާގެ ސިޓީ ރިޔާސަތާ ހަވާލު ކުރެއްވުމުން މަޖިލީހުގެ އަމީން އާންމު ފާތިމަތު ނިއުޝާ އެ ސިޓީ މަޖިލީހަށް އިއްވަވާދެއްވުމުން އެހިސާބުން ޖަލްސާ ވަނީ ނިންމާލައްވާފައެވެ.
Advertisement
This content is created and paid for by advertisers and does not involve Voice Journalists
