ވެރިކަން ކުރާ ޕާޓީގެ އޮފީސް އެ ޕާޓީގެ ރައީސް އަދި ރައީސުލްޖުމްހޫރިއްޔާ ޑރ މުހައްމަދު މުޢިއްޒު ހުޅުވައިދެއްވައިފިއެވެ.
ސީ ތްރެކް އިމާރާތުގެ ހަތްވަނަ ފަންގިފިލާގައި ހުންނަ އެ ޕާޓީގެ އޮފީސް ރައީސުލްޖުމްހޫރިއްޔާ ހުޅުވައިދެއްވި އިރު އެ ރަސްމިއްޔާތުގައި ޕީޕީއެމް/ޕީއެންސީ އަށް ނިސްބަތްވާ ގިނަ މެމްބަރުންތަކެއް ވަނީ ބައިވެރިވެފައެވެ.
އޮފީސް ހުޅުވުމުގެ ރަސްމިއްޔާތަށް ފަހު، ޕީޕީއެމް ޕީއެންސީގެ ޖޮއިންޓް ސެނެޓް ބައްދަލުވުމެއް ކުރިއަށް ގެންދިޔުމަށް ވަނީ ހަމަޖެހިފައެވެ. އަދި އެބައްދަލުވުމަށްފަހު ނޫސްވެރިންގެ ބައްދަލުވުމެއް ބޭއްވުމަށް ވެސް ހަމަޖެހިފައިވާ ކަމަށް އެޕާޓީން ބުނެއެވެ.
މިރޭ ބާއްވާ ސެނެޓް ބައްދަލުވުމުގައި ކުރިއަށް އޮތް ސިޓީ ކައުންސިލް އިންތިޚާބާއި އަދި މަޖިލީސް އިންތިޚާބުގެ މުހިންމު ގިނަ ކަންކަން ނިންމާނެ ކަމަށް މައުލޫމާތު ލިބެއެވެ.
ޕީއެންސީ ވަރުގަދަ ކުރުމަށްޓަކައި އެ ޕާޓީން ކުރަމުން އަންނަ މަސައްކަތުގެ ތެރެއިން އެ ޕާޓީއާއި އަލަން ގުޅުނު 400ޮ މެމްބަރުންގެ ޕީއެންސީން އާ އޮފީހެއް ވަކިން ފުރަތަމަ ހިންގަން ފެށީ މީގެ ދެ ހަފްތާއެއްހާ ދުވަސް ކުރިންނެވެ. އެއިރު އޮފީސް ހިންގަމުން ދިޔައީ ކެމްޕޭނު ދުވަސްވަރު ކާނިވަލުގައި ދިވެހީންގެ ޖަގަހަ ހިންގަމުން އައި ތަނުގައެވެ.
ޕީއެންސީން މިހާރު މަސައްކަތް ކުރަމުން ގެންދަނީ އެ ޕާޓީއަށް މެންބަރުން އިތުރު ކުރުމުގެ މަސައްކަތް ކުރުމަށެވެ. އެގޮތުން މީގެ ކުރިން އެމްޑީޕީއަށް ނިސްބަތްވި އިސް ބޭފުޅުންނާއި ކުރީ ސަރުކާރުގެ އިސް މަޤާމުގައި ތިއްބެވި ބައެއް ބޭފުޅުންވެސް ވަނީ ޕީއެންސީއާ ގުޅިވަޑައިގެންފައެވެ.
Advertisement
This content is created and paid for by advertisers and does not involve Voice Journalists
