މީހަކު ގެއްލިގެން ހޯދުމަށް އަނެއްކާވެސް ފުލުހުން އިޢްލާނު ކޮށްފިއެެވެ.

މިފަހަރު ގެއްލިގެން، ހޯދަން އިޢްލާނު ކޮށްފައިވަނީ ނ. މިލަދޫ / ގުމުރީގެ، މުއްރަތު އަލީ އެވެ.

ފުލުހުން ބުނެފައިވަނީ މުއްރަތު ޢަލީ އާއިލާއަށް ޚަބަރެއްނުވެ ގެއްލިފައިވާ ކަމަށް ޑިސެމްބަރު 6 ވަނަ ދުވަހު ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ފުލުހުންދަނީ ކުރަމުންކަމަށެވެ.

ފުލުހުން ބުނެފައިވަނީ މުއްރަތު އަލީ މަސައްކަތްކުރަނީ ތިލަފުށީގައި ބޭނުންކުރާ ކޮޅުވެއްޓިއެއްގައި ކަމަށް އޭނާގެ އާއިލާއިން ފުލުހުންނަށް މައުލޫމާތުދީފައިވާ ކަމަށެވެ. އަދި އަދި އޭނާ އެންމެ ފަހުން ފެނިފައިވަނީ ޑިސެމްބަރު 3 ވަނަ ދުވަހު 17:00 އެހައިކަންހާއިރު އެ ކޮޅުވެއްޓީގައި ހުއްޓައި ކަމަށްވެސް ފުލުހުން ބުނެފައިވެއެވެ.

ހަމަމިއާއި އެކު އޭރު އޭނާ ލައިގެންހުރީ ގޮޅިޖެހި ރަތްކުލައިގެ ގަމީހެއް ކަމަށް އާއިލާއިން ފުލުހުންނަށް މައުލޫމާތުދީފައިވާ ކަމަށްވެސް ފުލުހުން ބުނެފައިވެއެވެ.

މީގެއިތުރުން މުއްރަތު އަލީގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ވިލިމާލެ ޕޮލިސް ސްޓޭޝަންގެ ނަމްބަރު 9833000 އަށް ގުޅުއްވައި ހިއްސާކުރެއްވުން އެދެކަމަށް ފުލުހުން ވަނީ ބުނެފައެވެ.