ކުރީގެ ރައީސް އިބްރާހިމް މުހައްމަދު ޞާލިހްގެ ވެރިކަމުގައި ކުރިއަށްގެންދިޔަ "ބިންވެރިޔާ" ސްކީމުގެ ދަށުން ލިޔެކިޔުންތަކާ އެކު ފޯމު ހުށަހެޅުމުން މީހެއްގެ ޝަރުތު ހަމަނުވާ ކަމަށް އޭރުގެ ހައުސިން މިނިސްޓްރީން ކަނޑައާޅާއިފައިވާ ނިންމުން ނިންމައިފައި ވަނީ ގޯސްކޮށް ކަމަށާއި އެ މީހާގެ ޝަރުތު ހަމަވާ ކަމަށް ނިންމައި އެ ފަރާތަށް ގޯތި ދިނުމަށް ސިވިލް ކޯޓުން ހުކުމްކޮށްފިއެވެ.
މި މައްސަލައިގައި، ކ. މާލެ, ދަފްތަރު ނަންބަރު: 234, ފާތިމަތު އަހްމަދުގެ ފަރާތުން އޮކްޓޫބަރު މަހުގެ 23 ވަނަ ދުވަހު ސިވިލް ކޯޓަށް ހުށަހަޅާއިފައިވާ މައްސަލައިގައި ބުނެފައިވަނީ، އައިޑެންޓިޓީ ސައްހަ ކުރުމަށާއި, މިނިސްޓްރީގެ ނިންމުމުގެ ސަބަބުން ގެއްލިގެންދާ ހައްގުތައް ހޯދައިދިނުމަށެވެ.
އެހެނަސް ހައުސިންގް މިނިސްޓްރީން އެންމެ ފުރަތަމަ އިއުލާނު ކުރި ވަގުތީ ލިސްޓުގައި އޭނާގެ ނަން ހިމަނާފައި ނުވާއިރު އެކަމާ ގުޅިގެން ހުށަހަޅަން ޖެހޭ ލިޔެކިޔުންތައް އޭނާ އެ މިނިސްޓްރީއަށް ފޯރުކޮށްދީފައިވެއެވެ.
ސިވިލް ކޯޓުގެ ހުކުމުގައިވާ ގޮތުން ދާއިމީ ލިސްޓުގައި ވެސް އޭނާގެ ޝަރުތު ފުރިހަމަނުވާ ކަމަށް ހައުސިންގ މިނިސްޓްރީން އޮތީ ކަނޑައަޅައިފައެވެ.
ސިވިލް ކޯޓުގެ ގާޒީ ފައިސަލް އާދަމް އިއްޔެ ކުރެއްވި ހުކުމުގައި ވަނީ ފާތިމަތު އަހްމަދުއަކީ "ބިންވެރިޔާ" ސްކީމަށް ޝަރުތު ހަމަވާ މީހެއް ކަމަށް ކަނޑައަޅައި, އެހެން މީހުންނަށް ގޯތި ހަވާލުކުރުމަށް ކަނޑައަޅާފައިވާ އިޖުރާއަތްތަކުގެ ދަށުން އޭނާއަށް ވެސް ގޯތި ދިނުމުގެ ކަންކަން ހަމަޖައްސައިދިނުމަށެވެ.
މި މައްސަލަ އިސްތިއުނާފު ކުރުމުގެ ފުރުސަތު ކުރިއަށް އޮތް 30 ދުވަހުގެ ތެރޭގައި އޮންނާނެއެވެ.
Advertisement
This content is created and paid for by advertisers and does not involve Voice Journalists
