މިދިޔަ ސަރުކާރުން ހިންގި 'ގެދޮރުވެރިޔާ ސުކީމް'ގެ ދަށުން އިއުލާންކުރި 4،000 ފުލެޓާ ގުޅިގެން އެންޓި ކޮރަޕްޝަން ކޮމިޝަން (އޭސީސީ) އިން ހިންގަމުންދާ ތަހުގީގަށް 'ގެދޮރުވެރިން ޕޯޓަލް'ގެ އެކްސެސް އެ ކޮމިޝަނަށް ދީފިއެވެ.
އެގޮތުން އެ ކޮނިޝަންގެ ތަހުގީގަށް ހައުސިން މިނިސްޓްރީން އޭސީސީއަށް ޕޯޓަލްގެ އެކްސެސް ދީފައިވާކަން އޭސީސީން ވަނީ ވޮއިސްއަށް ކަށަވަރުކޮށްދީފައެވެ.
އޭސީސީ އިން ބުނީ ޕޯޓަލްގެ އެކްސެސް ލިބުމާއެކު މައްސަލަ އިތުރަށް ތަހުގީގު ކުރުމުގެ މަސައްކަތް ކުރަމުންދާ ކަމަށެވެ
އަދި، މައްސަލައިގެ ތަހުގީގު ކުރިއަށްދާ މިންވަރަކުން ތަހުގީގަށް ހުރަސް ނޭޅޭގޮތަށް މި މައްސަލައާ ގުޅޭ މައުލޫމާތު ކޮމިޝަނުން ހިއްސާ ކުރަމުންދާނެ ކަމަށް ވެސް ބުންޏެވެ.
އޭސީސީގެ ތަހުގީގަށް ގެދޮރުވެރިން ޕޯޓަލްގެ އެކްސެސް އެސީސީއަށް ދިނުމަށް ނިންމާފައިވާކަން ހައުސިން މިނިސްޓަރު ޑރ. އަލީ ހައިދަރު ހާމަކުރެއްވީ މިދިޔަ މަހު ބޭއްވި ގައުމީ ތަރައްގީ އާއި ތަރިކައިގެ ކޮމިޓީގެ ބައްދަލުވުމުގައެވެ.
އެގޮތުން އެ ކޮމެޓީގައި މިނިސްޓަރ ހައިދަރު ވަނީ، ގެދޮރުވެރިޔާ ސުކީމުގެ ދަށުން ހުށަހަޅާފައިވާ ހުރިހާ ފޯމުތަކާއި އެ ފޯމުތަކާ އެކު ހުށަހަޅާފައި ހުރި ލިޔުންތަކާއި ހައުސިން މިނިސްޓްރީން ކޮށްފައިވާ ހުރިހާ މަސައްކަތްތައް ފެންނަ ގޮތަށް އޭސީސީއަށް ގެދޮރުވެރިން ޕޯޓަލްގެ އެކްސެސް ދިނުމަށް އެ ކޮމިޝަނުން އެދިފައިވާކަމަށް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
