ޤާނޫނު އަސާސީގައި ބަޔާންކުރާ ކަންކަން ފުރިހަމަވާނަމަ، ރައްޔިތުންގެ މަޖިލީހުން ވަޒީރުންނަށް ރުހުން ދޭންޖެހޭކަމަށް ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރު ޤާސިމް އިބްރާހީމް ވިދާޅުވެއްޖެއެވެ.
ރައީސުލްޖުމްހޫރިއްޔާގެ އޮފީހުގައި ރައީސް ޑރ މުހައްމަދު މުއިއްޒުއާއި ބަދަލުކުރެއްވުމަށްފަހު ނޫސްވެރިންނާއި ބައްދަލުކުރައްވައި ވާހަކަދައްކަވަމުން ޤާސިމް ވިދާޅުވީ، ވަޒީރުންނަށް ރުހުން ދިނުމަކީ މަޖިލީހުން ކޮންމެހެން ކުރަންޖެހޭކަމެއްކަމަށާއި އެއީ ޤައުމުގެ މަސްލަހަތު އެކަމުގައި އޮތް ގޮތްކަމަށެވެ.
ޤާނޫނު އަސާސީއާއި ޤާނޫނުގައި ފުރިހަމަވެފައިވާ ކަންކަން އެއްވެސް މެންބަރެއްގެ ހަމަވާމަށްވަންޔާ އެމީހަކަށް ރައީސުލްޖުމްހޫރިއްޔާ ޑިސައިޑުކުރައްވާ ފޮނުވި ނަންތަކަށް ރުހުން ދިނުމަކީ ރައްޔިތުންގެ މަޖިލީހުން ކުރަންޖެހޭނެކަމެއް. އަޅުގަނޑު ރައީސަށް ދެއްނެނވިން އަޅުގަނޑަށް ކޮށްދެން އޮތް ހުރިހާ ކަމެއް ޤާނޫނާ އެއްގޮތްވާގޮތުގެ މަތިން ކޮށްދޭނަމޭ
ޤާސިމް އިބްރާހިމް
މީގެ އިތުރުން ޤާސިމް ވިދާޅުވީ، ޤައުމުގެ ހަމަޖެހުން މުހިންމުކަމަށާއި، ހަމަޖެހުން ގެއްލިއްޖެނަމަ އޭގެ ނޭދެވޭ އަސަރު ޤައުމަށާއި އިޤްތިޞާދަށް ކުރާނެކަމަށެވެ.
މިއާއެކު ޤާނޫނު އަސާސީއާއި އެއްގޮތްވާގޮތުގެ މަތިން ސަރުކާރުން ނިންމާ ނިންމުންތަކާ ކުރައްވާ މަސައްކަތްތަކަށް، ސަރުކާރަށް ފުރިހަމަ އެއްބާރުލުން ދެއްވާނެކަމުގެ ޔަގީންކަން ގާސިމްވަނީ އަރުވައިފައެވެ.
މިއަދުގެ ބައްދަލުކުރެއްވުމަށްފަހު ނޫސްވެރިންނާއި ވާހަކަދައްކަަމުން ޤާސިމް ވިދާޅުވީ ރައީސް ޑރ. މުޢިއްޒާއި ބައްދަލުކުރައްވާ މައިގަނޑު ގޮތެއްގައި މަޝްވަރާކުރެއްވީ ޤައުމުގެ ހަމަޖެހުން ޤާއިމްކުރުމަށް ގުޅިގެން މަސައްކަތްކުރެވޭނެ ކަންކަމާ ގުޅޭގޮތުންކަމަށެވެ.
Advertisement
This content is created and paid for by advertisers and does not involve Voice Journalists
