އަވަށްޓެރި އިންޑިޔާގައި ކޮވިޑްގެ އައު ވޭރިއެންޓެއް ފެތުރި 23 މީހަކު މަރުވެއްޖެއެވެ.
އިންޑިޔާގެ ސިއްޙަތާއި ބެހޭ ވުޒާރާގެ އެންމެ މަތީ ފަރާތްތަކުން ވަނީ ކުރިއަށް އޮތް ފިނި މޫސުމުގައި އިންޑިޔާގައި ފެތުރެމުން އަންނަ ޖީއެން.ވަން ކޮވިޑް 19 ވޭރިއަންޓް ހަލުވިކަމާ އެކު ފެތުރޭނެ ކަމަށް ލަފާކޮށްފައެވެ.
މިފާއިތުވި 24 ގަޑިއިރުތެރޭގައި އިންޑިޔާގެ 358 މީހަކު ވަނީ ކޮވިޑަށް ފައްސިވެފައެވެ.
އިންޑިޔާ ޓުޑޭގައި އޮފިޝަލަކާއި ހަވާލާދީ ބުނެފައިވަނީ ހަލުވިކަމާ އެކު އައު ވޭރިއަންޓް ފެތުރެމުންދިޔަ ނަމަވެސް އެކަން ހުއްޓުވުމަށް ސަރުކާރުގެ އެއްވެސް އިންތިޒާމެއް ނެތް ކަމަށެވެ.
އެގޮތުން މާސްކު އެޅުމާއި ދަތުރުފަތުރު ކުރުން މަނާކުރުމާއި، ވެކްސިންގެ އިތުރު ޑޯޒްއެއް ޖެހުން މަޖުބޫރުކުރުމަށް އެ ޤައުމުގެ ސަރުކާރުން މަސައްކަތް ނުކުރާ ކަމަށް ބުނެފައިވެއެވެ.
އިންޑިޔާގައި ހަލުވިކަމާ އެކު ފެތުރެމުންދާ ކޮވިޑްގެ މި އައު ވޭރިއަންޓް ފުރަތަމަ ފެނިފައިވަނީ ކެރެލާއިންނެވެ.
އަދި މިހާރު މި ވޭރިއަންޓް އިންޑިޔާގެ ޓަމިލްނާޑޫ އާއި ކަރްނާޓަކާ، ކެރެލާ، މަހާރާސްތްރަ އަދި ގުޖްރާތުގައި ވެސް ދަނީ ފެތުރެމުންނެވެ.
Advertisement
This content is created and paid for by advertisers and does not involve Voice Journalists
