ފުށިދިއްގަރުފަޅު ހިއްކަނީ ހުޅުމާލޭއިންނާއި ރަސްމާލެ އިން ޖުމްލަ 70 ހެކްޓަރުގެ ބިން ސީއެމްސީސީ އަށް ދޭގޮތަށް ކަމުގައި އެ މަޝްރޫޢުގެ ބެލެނިވެރި ފަރާތް، އާބަންކޯއިން ބުނެފިއެވެ.
އާބަންކޯއިން މިއަދު ބޭއްވި ނޫސްވެރިންގެ ބައްދަލުވުމެއްގައި އެ ކުންފުނީގެ މެނޭޖިންގް ޑިރެކްޓަރު އިބްރާހީމް ފަޒުލް ރަޝީދު ވިދާޅުވީ، ރަސްމާލެ ތަރައްޤީ ކުރުމަށްޓަކައި ބިން ހިއްކުމަށް، ހުޅުމާލޭން 10 ހެކްޓަރުގެ ބިމާއި ފުށިދިއްގަރުފަޅުން ހިއްކާ ބިމުން 60 ހެކްޓަރު ސީއެމްސީއަށް ދޭނެކަމަށެވެ.
ހުޅުމާލެއިން ދޫކުރާ 10 ހެކްޓަރު, ރަސްމާލެއިން ދޫކުރާ 60 ހެކްޓަރު. އޭގެ ބަދަލުގައި އަޅުގަނޑުމެންނަށް މި ލިބެނީ 1093 ހެކްޓަރު ބިން. އެޗްޑީސީގެ އެސެޓަށް އެޗްޑީސީއަށް ޖަމާވެގެން މި އަންނަނީ
އިބްރާހީމް ފަޒުލް ރަޝީދު
މީގެ އިތުރުން މި މަޝްރޫއު ކުރިއަށްގެންދާ ކުންފުންޏަށް ދޫކުރާ ބިން ވިއްކާ މުއްދަތާ ގުޅިގެން ނޫސްވެރިއަކު ދެންނެވި ސުވާލަަކަށް ޖަވާބުދެއްވަމުން ފަޒުލް ވިދާޅުވީ، މި މަޝްރޫޢުގެ ބިން ދޫކުރާނީ މި މަޝްރޫޢުގެ ޑެވެލޮޕްމަންޓު ޕީރިއަޑްގެ ދިގުމިނަށް ކަމުގައެވެ. އެގޮތުން އެއީ ޖުމުލަ 99 އަހަރުކަމުގައި ފަޒުލް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
