ޝްރީލަންކާގެ ކެންޑީގައި މިހާރު ކުރިޔަށްދާ އެ ޤައުމުގެ ނެޝަނަލް އަދި ނެޝަނަލް ޖޫނިއަރ ޝޯޓްކޯސް މުބާރާތުގައި 100x4 މީޓަރު މެޑްލީ ރިލޭ އިން ރާއްޖޭގެ ސީނިއަރ ފިރިހެން ޓީމު ލޯ މެޑަލް ހޯދިއިރު، 100x4 މީޓަރު މެޑްލީ ރިލޭ އިން ޖޫނިއަރ ފިރިހެން ޓީމު ރިހި މެޑަލް ހޯދައިފިއެވެ.

މެޑްލީ ރިލޭ އިން ލޯ މެޑަލް ހޯދި ސީނިއަރ ފިރިހެން ޓީމުގައި ހިމެނެނީ، ޢަލީ އިމްއާން، އިޒްޔާން އަހްމަދު، މުހައްމަދު ރިހާން ޝިހާމް އަދި މުހައްމަދު އާން ހުސައިން އެވެ. އަދި ރިހި މެޑަލް ހޯދި ޖޫނިއަރ ފިރިހެން ޓީމުގައި ހިމެނެނީ. ޔާސިން މުހައްމަދު ޔޫސުފް، ލޫޠު މުހައްމަދު ހުސައިން، އިސްމާޢީލް އަޖުމަލް މޫސާ އަދި ޝައިމް ހުސައިން އިބްރާހީމެވެ.

100x4 މީޓަރު މެޑްލީ ރިލޭ އިން ލޯ މެޑަލް ހޯދި ގައުމީ ސީނިއަރ ފިރިހެން ޓީމު 

މިމަހު 26 ން 30 އަށް ކުރިޔަށްދާ މިމުބާރާރުގައި ރާއްޖޭގެ ފެތުންތެރިން ވާދަކުރަނީ ޖޫނިއަރ ފިރިހެން އަދި އަންހެން، ނެޝަނަލް އަންހެން އަދި ފިރިހެން ބައިގައެވެ. މި 4 ބައިގައި ޖުމުލަ 25 ދިވެހި ފެތުންތެރިން މިމުބާރާތުގައި އަންނަނީ ވާދަކުރަމުންނެވެ.

މިމުބާރާތުގައި ރާއްޖޭގެ އިތުރުން ސްރީލަންކާގެ އެކި ކުލަބުތަކާ ކޮލެޖްތަކުން ޖުމުލަ 49 ޓީމު ބައިވެރިވެފައިވެއެވެ.