ފަތުރުވެރިކަމުގެ އެންމެ ބާރުބޮޑު މޫސުމާ ދިމާކޮށް، އެމްއޭސީއެލް އިން ވެލާނާ އެއާޕޯޓުގެ ޕްރައިވެޓް ޖެޓު ޕާކިން، 68 އަށް ބޮޑުކޮށްފިއެވެ. މިއީ ވީއާއިއޭގެ ތާރީޚްގައި ވެސް ޖެޓް ޕާކިންގ މިހާ ބޮޑު ކުރެވުނު ފުރަތަމަ ފަހަރެވެ. 

މިކަމާއި ގުޅިގެން އެމްއޭސީއެލް އިން ނެރުނު ނޫސް ބަޔާނެއްގައި ބުނީ ޕީކް ދުވަސްވަރު ވައިގެ ދަތުރުފަތުރުގެ ޑިމާންޑް އިތުރުވަމުންދާތީ އޮޕަރޭޝަންތަކާއި ޚިދުމަތްތައް ފުޅާކުރުމަށް ކަމަށް ޖެޓް ޕާކު ކުރާނެ ސްލޮޓުތައް 39 އިން 68 އަށް އިތުރު ކޮށްފައިވާ ކަމަށެވެ. 

އެގޮތުން ސްލޮޓް އިތުރު ކޮށްފައިވަނީ؛ 

Advertisement

އުތުރުފަޅީގެ އޭޕްރަންގައި 13 ޖެޓު ޕާކުކުރާނެ ސްލޮޓް

ހުޅަނގު ފަޅީގެ އޭޕްރަންގައި 26 ޖެޓު ޕާކުކުރާނެ ސްލޮޓް

ފިއުލް ފާމް ކުރިމަތީގައި 13 ޖެޓު ޕާކުކުރާނެ ސްލޮޓް

ދެކުނު ފަޅީގައި 16 ޖެޓު ޕާކު ކުރާނެ ސްލޮޓް

ކޮންމެ އަހަރެއްގެވެސް ބޭރު ގައުމުތަކަށް ފިނި މޫސުން އަންނަ ދުވަސްވަރަކީ ރާއްޖެއަށް ފަތުރުވެރިން އަންނަ ނިސްބަތް ވަރަށް ބޮޑަށް އިތުރުވެގެންދާ ދުވަސްވަރެކެވެ.

އެގޮތުން، މި ދުވަސްވަރު ރާއްޖެއަށް އަންނަ ފަތުރުވެރިންގެ އަދަދުތައް ދުވާލަކަށް ފަސްހާހަށް ވުރެ މަތީގައި ހުރި އިރު، 23 ޑިސެންބަރު ވީ ހޮނިހިރުދުވަހު 8،054 ފަތުރުވެރިން ވަނީ ރާއްޖެއަށް ޒިޔާރަތްކޮށްފައެވެ. މިއީ، މިއަހަރުވެސް އެއް ދުވަހެއްގައި އެންމެ ގިނަ ފަތުރުވެރިން ޒިޔާރަތްކުރި ދުވަހެވެ.