މިދަނޑިވަޅުގައި ރާއްޖޭގައި ހުދުމުހުތާރުކަން އާލާވިޔަ ނުދިނުމަށް މަސައްކަތް ކުރައްވާނެކަމަށް އެމްޑީޕީގެ ޗެއާރޕާސަން އަދި ނިމިދިޔަ ސަރުކާރުގެ އިކޮނޮމިކް މިނިސްޓަރ ފައްޔާޒު އިސްމާއިލް ވިދާޅުވެއްޖެއެވެ.

އެމްޑީޕީއަށް ނިސްބަތްވެ ވަޑައިގެންނެވި ރައްޔިތުން މަޖިލީހުގެ 13 މެމްބަރަކު މިވަގުތު ވެރިކަންކުރާ ޕާރޓީ ޕީއެންސީ އާއި ގުޅިވަޑައިގެންނެވުމާއި ގުޅިގެން ކުރެއްވި އެކްސް ޕޯސްޓެއްގައި ފައްޔާޒު ވަނީ އެ ވަކިވި މެންބަރުން ޕާޓީގައި ކޮށްދެއްވި މަސައްކަތަށް ޝުކުރު ދަންނަވާފައެވެ.

"މިދަނޑިވަޅު ރާއްޖޭގައި ހުދުމުހުތާރުކަން އާލާވިޔަ ނުދިނުމަށް ކުރަންޖެހޭ މަސައްކަތައިގެން މާތް الله ގެ ވާގިފުޅާއެކު އެމްޑީޕީ ދާނީކުރިއަށް." ފައްޔާޒު ވިދާޅުވި އެވެ.

އެމްޑީޕީ ދޫކޮށް 13 މެމްބަރަކު ޕީއެންސީ އާއި ގުޅުމުން އެމްޑީޕީގެ އެކްޓިވިސްޓުން ދަނީ ސޯސަލް މީޑިޔާ މެދުވެރިކޮށް ތަފާތު ޝުޢޫރުތައް ފާޅު ކުރަމުންނެވެ.

މިވަގުތު އިދިކޮޅު ޕާރޓީގެ ގޮތުގައި އޮތް އެމްޑީޕީ ދޫކޮށް ޕީއެންސީއަށް ރޭ ގުޅިވަޑައިގެންނެވި 13 މެމްބަރުންނަކީ؛

މަރަދޫ ދާއިރާގެ މެމްބަރު އިބްރާހިމް ޝަރީފް

ފޭދޫ ދާއިރާގެ މެމްބަރު އިބްރާހީމް ނިހާދު

ކުރެންދޫ ދާއިރާގެ މެމްބަރު އަބްދުލް ޣަނީ އަބްދުލް ހަކީމް

މައްޗަންގޮޅި ދެކުނު ދާއިރާގެ މެމްބަރު އަހްމަދު ހައިތަމް

މަތިވެރި ދާއިރާގެ މެމްބަރު ހަސަން ޒަރީރު

ނިލަންދޫ ދާއިރާގެ މެމްބަރު އަބްދުލް މުހުސިން ހަމީދު (ޖޭފޯ)

ގުރައިދޫ ދާއިރާގެ މެމްބަރު ޝާޒް

އިސްދޫ ދާއިރާގެ މެމްބަރު އަލީ ހަމީދު

މާފަންނު ދެކުނު ދާއިރާގެ މެމްބަރު އާދަމް އަލީ

ކަނޑިތީމު ދާއިރާގެ މެމްބަރު އަބްދުالله ޝަހީމް

މުލަކު ދާއިރާގެ މެމްބަރު އިބްރާހިމް ނަސީރު

ތޮއްޑޫ ދާއިރާގެ މެމްބަރު ހަސަން ޝިޔާން

ކޮމަންޑޫ ދާއިރާގެ މެމްބަރު މުޙައްމަދު ރާޝިދު 

މަޢުލޫމާތު ލިބިފައިވާ ގޮތުގައި އަދިވެސް އެމްޑީޕީގެ އިތުރު މެމްބަރުންތަކެއް ދާދި އަވަހަށް ޕީއެންސީ އާއި ގުޅުމަށް ވަނީ ހަމަޖެހިފައެވެ. ރޭގެ ޖަލްސާގައި ރައީސް ޑރ.މުހައްމަދު މުއިއްޒުވެސް ވަނީ މިފަދަ އިޝާރާތެއް ކުރައްވާފައެވެ.