މި ސަރުކާރުގެ ކެބިނެޓްގެ ވަޒީރުންނަށް ރުހުން ދިނުމުގެ މައްސަލައިގައި އެމްޑީޕީން މަސައްކަތް ކުރާނީ ސިޔާސީ ވިސްނުން އެއްފަރާތްކޮށް ޤައުމީ ވިސްނުމެއްގެ ގޮތުގައި ކަމުގައި އެމްޑީޕީގެ ޕީޖީގްރޫޕްގެ ޑެޕިއުޓީ ލީޑަރ ހުސައިން ޝަހީމް ވިދާޅުވެއްޖެއެވެ.
ރައްޔިތުންގެ މަޖިލިހުގައި އެމްޑީޕީގެ ޕޕީީ ގްރޫޕްގެ ފަރާތުން ކުރިއަށް ގެންދާ ނޫސްވެރިންގެ ބައްދަލުވުމެއްގައި ނޫސްވެރިއަކު ކުރެއްވި ސުވާލަކަށް ޖަވާބު ދެއްވަމުން ޝަހީމް ވިދާޅުވީ، ވަޒީރުންނަށް ރުހުން ދިނުމުގައި އެޕާޓީއަށް އެއްވެސް މަޖުބޫރުކަމެއް ނެތް ކަމަށެވެ.
އެގޮތުން މިއަދު ރައްޔިތުންގެ މަޖިލިހުގެ ސަރުކާރުގެ މަސްއޫލިއްޔަތު ބަލާ ކޮމެޓީން 22 ވަޒީރުންނަށް ރުހުން ދިނުމަށް ފާސްކުރި އިރު، އެ ނިންމުން ފާސްނުކުރާކަށްވެސް އެމްޑީޕީ ތަމްސީލުކުރައްވާ މެމްބަރުން ވޯތު ނުދެއްވާކަމުގައި ޝަހީމް ވަނީ ވިދާޅުވެފައެވެ.
މީގެ އިތުރުން ސަރުކާރުގެ އެއްވެސް ވަޒީރަކަށް ތުހުން ނުދިނުމާ ގުޅޭގޮތުން އެ ޕާޓީގެ ޕީޖީ ގްރޫޕުން އެއްވެސް ބައްދަލުވުމެއް ބާއްވައިފައި ނުވާނެކަމަށާއި އަދި އެފަދަ ބައްދަލުވުމެއް ތާވަލުކޮށްފައި ނުވާނެކަމުގައި ވިދާޅުވެ މެމްބަރު ޝަހީމް ވަނީ އެ މޭރުމުން ދޭހަވާ ފަދަ ގޮތަކަށް ޕީއެންސީގެ ޖަލްސާގައި އެ ޕާޓީއާއި ގުޅިވަޑައިގެން މެމްބަރުން ދެއްކެވި ވާހަކަތައް ދޮގުކުރައްވައިފައެވެ.
ވަޒީރުންނަށް ރުހުން ނުދިނުމާއި ބެހޭގޮތުން އެމްޑީޕީގެ ޕާލިމްޓްރީ ގްރޫޕޫގެ އެއްވެސް ބައްދަލުވުމެއްގައި އެޖެންޑާކޮށް މީޓިންގެ އެއް ބާއްވައި އެއްވެސް ކަމެއްގައި އަޅުގަނޑުމެން ވާހަކަދައްކައެއް ދައްކާފައެއް ނުވާނެ
ހުސައިން ޝަހީމް
މީގެ އިތުރުން މިއަދުގެ ބައްދަލުވުމުގައި ވާހަކަ ދައްކަވަމުން ރައްޔިތުންގެ މަޖިލިހުގެ ނައިބް ރައީސް އަހްމަދު ސަލީމް ވިދާޅުވީ އެމްޑީޕީ އޮތީ ބަދަހިކޮށް ވަރުގަދަކޮށް ކަމަށާއި އެ ޕާޓީން މެމްބަރުތަކެއް ވަކިވުމީ އެ ޕާޓީގެ ލީޑަރޝިޕް ގެ ފެއިލިއަރ އެއްކަމަށް ދެކިވަޑައި ނުގަންނަވާކަމަށެވެ.
އެމްޑީޕީގެ ޕާލިމްޓްރި ގްރޫޕް އޮތީ އަދި ހަމަ ވަރަށް ވަރުގަދަކޮށް، ދެންމެ އެ ވިދާޅުވި ގޮތުން އަދި 43 މެމްބަރުން ތިބި އެހެން އެއްވެސް ޕާޓީއެއް ެނތް ރައްޔިތުންގެ މަޖިލިހުގައެއް، އަޅުގަނޑުމެން ގަބޫލުވެސް ކުރަނީ އިރާދަ ކުރެއްވިއްޔާ 19 ވަނަ ރައްޔިތުންގެ މަޖިލިސް ވެސް ނިމިގެންދާނީ އެމްޑީޕީ ވަރުގަދަކޮށް ޕާލިމަންޓްރީ ގްރޫޕް އޮވެގެން
އަހްމަދު ސަލީމް
މީގެ އިތުރުން ސަލީމް ވިދާޅުވީ އެ ޕާޓީއާއި ވަކިވެ ވަޑައިގެން މެމްބަރުންނާއި މެދު ޖަވާބުދާރީ ވާނީ އެ ދާއިރާތަކަށް އެ މެމްބަރުން އިންތިޚާބުކުރެއްވި ރައްޔިތުންކަމަށެވެ.
Advertisement
This content is created and paid for by advertisers and does not involve Voice Journalists
