މާލެ ތަރައްޤީ ކުރެވޭނީ ސަރުކާރަށް ތާއީދުކުރާ ކެންޑިޑޭޓަކު ހޮވައިގެން: އާޒިމާ
މާލެއަށް ދިމާވެފައިވާ ގިނަ މައްސަލަތަކެއް ދެނެގަނެވިފައިވާ ކަމަށާއި އަދި އެ މައްސަލަތައް ހައްލުކުރާނެ ކަންތައްތަކެއް އެނގިވަޑައި ގަންވާކަމަށް ޕީއެންސީގެ ފަރާތުން މާލޭގެ މޭޔަރުކަމަށް ވާދަކުރައްވާ ކެންޑިޑޭޓް އައިޝަތު އާޒިމާ ޝުކޫރު ވިދާޅު ވެއްޖެއެވެ.
އެކަމަނާ މިފަދައިން ވިދާޅުވެފައި ވަނީ ސަންގު ޓީވީ އިން ކުރިއަށް ގެންދާ ސަންގު ޓީވީ މޭޔަރުންގެ ބަހުސްގައި ވާހަކަފުޅު ދައްކަވަމުންނެވެ.
"ސަރުކާރުގެ މާސްޓާރ ޕްލޭނައި އެއްގޮތަށް މަސައްކަތް ކޮށްގެން ނޫނީ މާލެއަށް ދިމާވެފައިވާ މައްސަލަތަކެއް ހައްލެއް ނުކުރެވޭނެ"
މިހާރު ކުރިއަށްދާ ބަހުސްގައި ވާހަކަފުޅު ދައްކަވަމުން އާޒިމާ ވިދާޅުވިއެވެ.
އާޒިމާ ފާހަގަ ކުރެއްވި ގޮތުގައި މާލެއަށް ބޭނުންވާ ހުރިހާ ހައްލެއްވެސް ރައީސް ޑރ. މުޙައްމަދު މުއިއްޒުގެ މެނިފެސްޓޯގައި ހިމެނިފައިވާއިރު އެކަންތައްތައް ތަންފީޒު ކުރެވޭނީ ސަރުކާރުގެ ކެންޑިޑޭޓަކު އިންތިހާބުކޮށްގެން ކަމަށެވެ.
" މާލެއަށް ދިމާވެފައިވާ ޕާކިންގެ މައްސަލަ އާއި މަގުތައް އަލުން ރީއްޗަށް ޒަމާނީ ފެންވަރަށް ހެދުމާއި އަދި މީހުން ހިތްހަމަޖެހޭ ތަނަކަށް މާލެ ހެދުން ފަދަ ހުރިހާ ކަމެއްވެސް ޑރ. މުހައްމަދު މުއިއްޒުގެ މި ސަރުކާރުގެ ޕްލޭނުގައި ހިމެނިފައިވޭ"
ތަފްސީލް ދެއްވަމުން އާޒިމާ ވިދާޅުވިއެވެ.
މިރޭގެ ބަހުސްގައި އާޒިމާ އާއި ވާދަކުރައްވާ އެހެން ކެންޑިޑޭޓުންނަށް ރައްދު ދެއްވުމުގެ ބަދަލުގައި އާޒިމާގެ ވާހަކަ ބިނާ ކުރެއްވީ އެކަމާގެ ޕްލޭން ހުށައެޅުއްވުމަށެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
