ފަލަސްތީނުގެ ޣައްޒާގައި އައިއޭސީން މޯބައިލް ފާހާނާތަކެއް ބަހައްޓަނީ
ޒަޔަނިސްޓް އިޒުރާއިލުގެ ރަހުމުކުޑަ ހަމަލާތަކުން ސުންނާފަތިވެފައިވާ ފަލަސްޠީނުގެ ޣައްޒާގައި އިންޓަނޭޝަނަލް އެއިޑް ކެމްޕޭން، އައިއޭސީން މޯބައިލް ފާހާނާތަކެއް ބެހެއްޓުމުގެ މަސައްކަތް ފައްޓަވައިފިއެވެ.
ދުނިޔޭގެ އެކިއެކި ކަންކޮޅުތަކުގައި ހާލުގައި ޖެހިފައިވާ ފަރާތްތަކަށް އިންސާނީ އެހީތެރިކަން ފޯރުކޮށް ދިނުމުގައި ޙަރަކާތްތެރިވަމުން އަންނަ އިންޓަނޭޝަނަލް އެއިޑް ކެމްޕޭން އައިއޭސީން ބުނިގޮތުގައި ޣާއްޒާގައި ބެހެއްޓުމަށް މަސައްކަތް ކުރަމުންދާ މޯބައިލް ފާހާނާތައް ބަހައްޓާ ނިމުމުން ޣާއްޒާގެ ކޭންޕުތަކުގައި ދިރިއުޅެމުން ގެންދާ ހާލުގައި ޖެހިފައިވާ ފަރާތްތަކަށް ވަރަށް ބޮޑަތި ލުއިތަކަކާއި ފަސޭހަކަމެއް ލިބިގެން ދާނެއެވެ.
"މި ފާޚާނާތައް ހެދި ހަރުކުރެވެމުންދާއިރު ފެން ރައްކާ ކުރެވޭނެ ޓޭންކެއް ވެސް މިއާއިއެކު ބެހެއްޓޭނެ. ތިޔަ ބޭފުޅުންނަށް ޣައްޒާ އެމަރޖެންސީ ފަންޑަށް މިހާރުވެސް އެހީތެރިކަން ފޯރުކޮށްދެވޭނެ." އައިއޭސީން މިހާރު ޤާއިމު ކުރަމުން ގެންދާ ފާހާނާއި ތަކާއި ގުޅޭގޮތުން ބުނެފައިވެއެވެ.
ދިވެހިރާއްޖެއިން ފަލަސްޠީނުގެ ރައްޔިތުންނަށް ވެދެއްވާ ދީލަތި އެހީތައް ފަލަސްޠީނުގެ ރައްޔިތުންނަށް ފޯރުކޮށްދިނުމުގެ މެދުވެރިއެއްގެ ރޯލު އަދާކުރަމުން ގެންދާ އައިއޭސީން މީގެ ކުރިންވެސް ވަނީ ހާލުގައި ޖެހިފައިވާ ނިކަމެތި ފަލަސްޠީނުގެ ރައްޔިތުންނަށް ތަފާތު ރޮނގުތަކުން އެހީތެރިކަން ފޯރުކޮށްދީފައެވެ.
އެގޮތުން ފަލަސްޠީނުގައި ހާލުގައި ޖެހިފައިވާ ފަރާތްތަތަކަށް ބޭނުންވާ ބޭހުގެ ބާވަތްތަކާއި ކެއިން ބުއިމަށް ބޭނުންވާ ބައެއް ސާމާނުވެސް ވަނީ ދިވެހިރައްޔިތުންގެ އެހީތެރިކަމާއިއެކު އެ ޖަމްއިއްޔާގެ ފަރާތުން ފޯރުކޮށްދީފައެވެ.
ހައްދު ފަހަނަ އަޅާފައިވާ ޒަޔަނިސްޓް އިޒުރާއިލުގެ ފަރާތުން ފަލަސްޠީނުގެ ރައްޔިތުންނަށް ދެމުން ގެންދާ އިންސާނިއްޔަތު ކަމުގެ ކުޑަ މިންވަރެއްވެސް ނެތް އުދުވާނީ ހަމަލާތަކުގައި މިހާތަނަށް ފަލަސްޠީނުގެ ކުށެއްނެތް އެތައްހާސް ރައްޔިތުންނެއް ވަނީ ޝަޙީދުވެގެން ގޮސްފައެވެ.
Advertisement
This content is created and paid for by advertisers and does not involve Voice Journalists