ރާއްޖެ އާއި މޮރިޝަސްގެ ކަނޑުގެ ސަރަހައްދުގެ އިން ވަކި ކުރުމުން ގެއްލިގެންދިޔަ ސަރަހައްދު ހޯދުމަށް އަދުގެ ސަރުކާރުން ވެފައިވާ ވަޢުދާ ބޭރުގެ ދެ އެކްސްޕާޓުންނާ ހަވާލު ކޮށްފި އެވެ.
ރައީސް އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުالله ނާޒިމް އިބްރާހީމް ވިދާޅުވީ ކަނޑުގެ ސަރަހައްދުގެ މައްސަލަ އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) އަށް ހުށަހެޅުމުގެ ކުރިން ކުރަން ޖެހޭ ދިރާސާތައް ކުރުމަށް ބޭރުގެ ތަޖުރިބާކާރުންނާ ހަވާލު ކޮށްފައިވާ ކަމަށެވެ.
އެގޮތުން އެ މަސައްކަތް ހަވާލުކޮށްފައި ވަނީ އިނގިރޭސިވިލާތުގެ ކިންގްސް ކައުންސިލަކާއި މޯލްޓާގެ ލޯ އޮފް ދަ ސީ ޕްރޮފެސަރާ ކަމަށާ އެ ޕްރޮފެސަރު ވަރަށް އަވަހަށް ރާއްޖެ ވަޑައިގަންނަވާނެ ކަމަށް ނާޒިމް ވިދާޅުވި އެވެ.
"އެ ބޭފުޅާ [މޯލްޓާގެ ފްރޮފެސަރު] ގެ ރިޕޯޓް މި މަހުގެ މެދުތެރޭ ރައީސުލްޖުމްހޫރިއްޔާގެ އަރިހަށް ކެބިނެޓަށް ލިބޭނެ. ޔޫކޭގެ ރިޕޯޓް ފެބްރުއަރީ މަހުގެ ތެރޭގައި ލިބޭނެ. މި ދެންނެވި އެކްސްޕާޓުންގެ ރިޕޯޓްތަކަށް ބަލާ ތައްޔާރު ކުރާ ފައިނަލް ރިޕޯޓް ފެބްރުއަރީ މަހުގެ ފަހުކޮޅު ކެބިނެޓަށް ހުށައެޅިގެންދާނެ،".
ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުالله ނާޒިމް އިބްރާހީމް
ބޭރުގެ ތަޖުރިބާކާރުންނާ އެ މަސައްކަތް ހަވާލު ކުރުމަށް ހިނގި ހަރަދުތަކާ ބެހޭ ތަފްސީލްތައް ކަމާބެހޭ އިދާރާތަކުން ކުރިޔަށް އޮތްތަނުގައި ހާމަ ކުރާނެ ކަމަށް ވެސް ނާޒިމް ވިދާޅުވި އެވެ.
ކަނޑުން ގެއްލުނުބައި ހޯދުމަށް ސަރުކާރުން ވަނީ ހާއްސަ ކޮމިޓީއެއްވެސް އެކުލަވާލައިފަ އެވެ. އެ ކޮމިޓީގައި ހިމެނެނީ ކުރީގެ ބަންޑާރަ ނައިބު މުހައްމަދު އަނިލް އާއި ޑިފެންސް މިނިސްޓްރީން ކާނަލް އަހްމަދު މުޖުތަބާ އަދި ފޮރިން މިނިސްޓްރީގެ ފަރާތުން ސެކްރެޓަރީ މަލްޓިލެޓެރަލް، އަހްމަދު ޝިޔާން އެވެ. ކޮމިޓީގެ މަސައްކަތް ކުރިއަށް ދާނީ އަނިލްގެ ބެލުމުގެ ދަށުން ކަމަށް ސަރުކާރުން މައުލޫމާތު ދެއެވެ.
Advertisement
This content is created and paid for by advertisers and does not involve Voice Journalists
