ލަންކާގެ ސަރުކާރުން މިހާރު ޑްރަގާއި ދެކޮޅަށް ފަށާފައިވާ ޚާއްޞަ ބޮޑު އޮޕްރޭޝަނުގައި މިހާތަނަށް ވަރަށް ގިނަ ބަޔަކު ހައްޔަރުކޮށްފިކަމަށް ލަންކާގެ މީޑިޔާތަކުން ހާމަކޮށްފިއެވެ.

އެގޮތުން މިހާތަނަށް 22000 ހާހަށް ވުރެ ގިނަ މީހުން ހައްޔަރުކޮށްފައި ވާއިރު އިއްޔެ އަކަނިވެސް 822 މީހަކު ހައްޔަރުކޮށްފައި ޅ ވާކަމަށް ލަންކާގެ މީޑިޔާތަކުން ރިޕޯރޓްކުރެއެވެ.

ލަންކާ ސަރުކާރުން މަސްތުވާ ތަކެއްޗާއި ދެކޮޅަށް ފަށާފައި މިވާ ވަރުގަދަ ބޮޑު އޮޕަރޭޝަނުގައި ގިނަ އަދަދެއްގެ މަސްތުވާތަކެއްޗާއި، އެތަކެތި ވިއްކާ ވިޔަފާރި ކޮށްގެން ޤަވާއިދާ ހިލާފަށް ހޯދާފައިވާ މުދަލާއި އަންޑަވޯލްޑް ލީޑަރުންނާއި މަސްތުވާތަކެތީގެ ވިޔަފާރިކުރާ ފަރާތްތަކުގެ ގިނަ އަދަދެއްގެ މުދާ މިހާތަނަށް ފުލުހުން އަތުލައިގެންފައިވާ ކަމަށްވެސް ލަންކާގެ މީޑިޔާ ރިޕޯރޓްތައް ބުނެއެވެ.

Advertisement

ލަންކާގެ ކަމާއިބެހޭ ފަރާތްތަކާއި ހަވާލާދީ އެ ޤައުމުގެ މީޑިޔާތަކުން މި އޮޕްރޭޝަނާއި ގުޅޭގޮތުން ރިޕޯރޓްކޮށްފައިވާ ގޮތުގައި މި އޮޕަރޭޝަނުގައި އިއްޔެ ވަނީ ޑްރަގް ވިޔަފާރިކުރާ މީހެއްގެ ހޮޓަލެއް ވެސް، ގާނޫނާ ހިލާފަށް ހަދާފައިވާ ކަމަށް ނިންމައި ތަޅާލައިފަ އެވެ. އަދި މި ވިޔަފާރީގައި އުޅޭ މީހުންގެ އަތުން ފެނުނު އަގު ބޮޑު މުދާތައް ދައުލަތަށް ނަގަންވެސް ވަނީ ނިންމައިފަ އެވެ.

ސްރީލަންކާއަކީ މި ސަރަހައްދުގެ ޤައުމުތަކަށް އެންމެ ގިނަ އަދަދަކަށް ޑްރަގު ސަޕްލައިކުރާ ޤައުމަކަށް ވާއިރު ލަންކާ ސަރުކާރުން ފެށި މި ބޮޑު އޮޕްރޭޝަނުގައި އެޤައުމުގެ އަސްކަރިއްޔާއިން ގެންދަނީ ކަނޑުގެ ސަރަހައްދުން އެޤައުމަށް އެތެރެކުރާ ޑްރަގުތައްވެސް އަތުލަމުންނެވެ.