ދިވެހި ޤައުމަށް ޚިދުމަތް ކުރުމުގައި އެކަމަނާއަށާއި އެކަމަނާގެ ޓީމަށް ފުރުޞަތު ދެއްވައިފި ނަމަ ޤައުމަށް ޚިދުމަތްތެރި ބަޔަކު މަޤާމާއި ހަވާލުވިކަމުގެ ތަފާތު ފެނާނެ ކަމަށް ޕީޕީއެމް/ޕީއެންސީގެ ޓިކެޓުގައި މާލޭގެ މޭޔަރު ކަމަށް ވާދަކުރައްވާ އައިޝަތު އާޒިމާ ޝަކޫރު ވިދާޅުވެއްޖެއެވެ.
އުސްތާޛާ އާޒިމާ މިފަދައިން ވިދާޅުވެފައި މިވަގުތު ހުޅުމާލެ ފޭސް އެކެއްގައި ކުރިއަށްދާ އެކަމަނާގެ ކެންޕެއިން އިވެންޓުގައި ވާހަކަފުޅު ދައްކަވަމުންނެވެ.
އުސްތާޛާ އާޒިމާ ވިދާޅުވީ އެކަމަނާ މާލޭ މޭޔަރުކަމަށް ނިކުންނެވީ ރައީސް ޑރ. މުޙައްމަދު މުއިއްޒުގެ ފުރިހަމަ ތާއިދާއި އެއްބަރުލެއްވުމާއި އެކުގައި ކަމަށެވެ.
"އަޅުގަނޑުމެން މި ނިކުތީ ޤައުމަށް ޚިދުމަތް ކުރަން ، އަޅުގަނޑާއި، އަޅުގަނޑުގެ ޓީމު މާލޭ ކައުންސިލަށް ހޮވައި ދެއްވައިފިނަމަ އަޅުގަނޑުމެންގެ ފަރާތުން ޤައުމަށް ޚިދުމަތް ކުރުމުގައި ތަފާތު ފެނިގެން ދާނެ." މިއަދުގެ ބައްދަލުވުމިގައި ދެއްކެވި ކުރު ވާހަކަ ކޮޅުގައި އާޒިމާ ވިދާޅުވިއެވެ.
މިއަދުގެ މި ރަސްމިއްޔާތުގައި ރައީސް ޑރ. މުހައްމަދު މުއިއްޒާއި އަދި ދަޢުލަތުގެ ގިނަ އަދަދެއްގެ ވަޒީރުން ބައިވެރިވެ ވަޑައިގެންނެވިއެވެ.
Advertisement
This content is created and paid for by advertisers and does not involve Voice Journalists
