ބުރެޒިލްގެ ފުޓްބޯޅަ ލެޖެންޑް މާރިއޯ ޒަގަލޯ ހޮނިހިރު ދުވަހުގެ ވަގުތެއްގައި މަރުވެއްޖެކަމަށް އެޤައުމުގެ ފުޓްބޯޅަ ފެޑަރޭޝަނާއި ހަވާލާދީ މީޑީއާ ރިޕޯޓްތައް ބުނެފިއެވެ.

އުމުރުން 92 އަހަރުގައި މާރިއޯ ޒަގަލޯ މަރުވިއިރު، އޭނާ ވަނީ ބްރެޒިލް ގައުމީ ޓީމާއެކު ވޯލްޑްކަޕް ޗެންޕިއަންކަން 4 ފަހަރަށް ހޯދާފައެވެ. އަދި ޒަގަލޯ ވަނީ ކުޅުންތެރިއެއްގެ އިތުރުން ކޯޗެއްގެ ގޮތުގައި ވޯލްޑްކަޕްގެ ތަށި އެންމެ ފުރަތަަމަ އުުފުލާލުމުގެ  ޝަރަފް ހޯދާފައެވެ. 

1958 ވަނަ އަހަރު ބްރެޒިލް އިން ފުރަތަަމަ ފަހަރަށް ވޯލްޑްކަޕް ކާމިޔާބުކުރި އިރު، އޭރު އުމުރުން 27 އަހަރުގެ ޒަގަލޯ އަކީ އެޓީމުގެ ވަރަށް މުހިންމު ކުޅުންތެރިއެކެވެ. އަދި ޖެހިގެންއައި 1962 ވަނަ އަހަރުގެ ވޯލްޑްކަޕް ބްރިޒިލް އަށް ކާމިޔާބުކޮށްދިނުމުގައި ވެސް ޒަގަލޯ ވަނީ އެޓީމުގެ މެދުތެރޭގައި މުހިންމު ދައުރެއް އަދާކޮށްދީފައެވެ.

1958 ފެށިގެން 1964 ވަނަ އަހަރާއި ހަމައަށް ބްރެޒިލްގެ ގައުމީ ޓީމަށް 33 މެޗު ކުޅެ 5 ލަނޑު ކާމިޔާބުކޮށްދީފައިވާ ޒަގަލޯ އަކީ މެދުތެރެއާއި ވައަތް ފަރާތު އަރިމަތިން ބުރެޒިލްގެ ހަމަލާތަކުގެ އެންމެ އިސް ދައުރެއް އަދާކުރާ އެއް ކުޅުންތެރިއާއެވެ. އަދި ޒަގަލޯ ވަނީ 1970 ވަނަ އަހަރު މެކްސިކޯގައި ބޭއްވުނު ވޯލްޑްކަޕް ފުޓްބޯޅަ މުބާރާތް ކޯޗެއްގެ ގޮތުގައި ބްރެޒިލް އަށް ކަމިޔާބު ކޮށްދިނުމުގެ އިތުރުން 1994 ވަނަ އަހަރުގެ ވޯލްޑްކަޕް ކާމިޔާބުކުރި ބްރެޒިލް ޓީމުގެ އެސިސްޓެންޓް ކޯޗެއްގެ ގޮތުގައި މަސައްކަތް ކޮށްފައެވެ.

މީގެއިތުރުން ވެސް 1998 ވަނަ އަހަރު ފުރާންސްގައި ބޭއްވުނު ވޯލްޑްކަޕްގެ ދެވަނަ ބްރެޒިއަށް ހޯދައި ދިނުމުގެ އިތުރުން 1997 ވަނަ އަހަރު ބޮލިވިއާ ގައި ބޭއްވުނު ކޮޕާ އެމެރިކާ ފުޓްބޯޅަ މުބާރާތާއި ހަމަ އެއަހަރު ސައުދި އަރަބިއާގައި ބޭއްވުނު ފީފާ ކޮންފެޑެރޭޝަން ކަޕްގެ ޗެމްޕިއަންކަން ބްރެޒިލް އިން ހޯދީ ޒަގަލޯގެ އިރުޝާދުގެ ދަށުންނެވެ.

މީގެ އިތުރުން 1996 ވަނަ އަހަރު އެޓްލާންޓާ އޮލިމްޕިކްސް ގައި  ކުވައިތަށް ބްރައުންޒް މެޑަލް ހޯދައި ދިނުމުގެ އިތުރުން 1957 ވަނަ އަހަރު އޭޝިއަން ކަޕްގެ ރަނަރަޕް ކަން އީރާނުން ހޯދިއިރު، އެޓީމުގެ ކޯޗަކީ ވެސް ޒަގަލޯ އެވެ.