މީގެ ކުރިން ދިވެހި ދައުލަތުގެ އިންޝްއަރެންސް ނިޒާމު، އާސަންދައިގެ ދަށުން ނުހެދޭ ގޮތައް އޮތް ޑީއެންއޭ ޓެސްޓު މިހާރު ހެދޭނެ ކަމަށް، ހެލްތް މިނިސްޓްރީން ބުނެފިއެވެ.
ޑީއެންއޭ ޓެސްޓް އާސަންދައިގެ ތެރެއިން ހެދޭނެ ގޮތް ހަމަޖެއްސީ ރައްޔިތުންނަށް ދޭ ސިއްހީ ޚިދުމަތް ހަރުދަނާ ކުރުމަށް ކަމަށް ހެލްތް މިނިސްޓްރީން އިއްޔެ އެކްސްގައި ކުރި ޕޯސްޓެއްގައި ބުނެފައިވެއެވެ.
މިނިސްޓްރީން މިފަދައިން ބުނެފައިވާ އިރު މިއީ ރައީސް ޑރ. މުޙައްމަދު މުއިއްޒުގެ ސަރުކާރުން ފުރަތަމަ 14 ހަފުތާގެ ތެރޭގައި ކުރަން ނިންމާފައިވާ ކަމެއްވެސް މެއެވެ.
އާސަންދައިގެ ދަށުން ޑީއެންއޭގެ ޓެސްޓު ހެދޭނެގޮތް ހަމަޖެހިގެން ދިޔައިރު މި ސަރުކާރުން ވަނީ ހިލޭ ބޯންމެރޯ ޓްރާންސްޕްލާންޓް ހެދޭނެ ގޮތް ވެސް ހަމަޖއްސައި ދެއްވާފައެވެ. އެގޮތުން މި އަހަރު ތެރޭގައި ދައުލަތުގެ ޚަރަދުގައި ފަސް ކުއްޖަކަށް ބޯންމެރޯ ޓްރާންސްޕްލާންޓް ހަދައިދިނުމަށް ނިންމައިފައިވާކަމަށް ސަރުކާރުން ވަނީ ހާމަކުރައްވާފއެވެ.
ޑރ. މުހައްމަދު މުއިއްޒުގެ ވަޢުދުގެ ތެރޭގައި ހިމެނިގެން މިސަރުކާރުން ވަނީ ތެލަސީމިއާ ބައްޔަށް ފަރުވާ ހޯދާ މީހުންނަށް އާސަންދައިގެ ދަށުން އެސްޓީއޯއިން ހިލޭ ބޭސް ލިބޭނެ އިންތިޒާމް ވެސް ހަމަޖައްސަވައި ދެއްވާފައެވެ. މީގެ އިތުރުން، މާލެ އާއި އަތޮޅުތެރެއިން ތެލެސީމިއާ ބައްޔަށް ފަރުވާ ހޯދުމުންދާ ފަރާތްތަކަށް ބޭހާއި އެހެނިހެން ކޮންސިއުމަބަލްސް ލިބޭނެގޮތް ވެސް ވަނީ ސަރުކާރުން ފަހިކޮށްދެއްވާފައެވެ.
ރާއްޖޭއަކީ ދުނިޔޭގެ ނިސްބަތުން ވެސް ތެލެސީމިޔާ ބަލީގެ މީހުން ގިނަ ޤައުމަކަށް ވާތީވެ އެ ބައްޔަށް ޚާއްޞަކޮށްގެން ، އެތަނުން ބައްޔާ ގުޅޭ ހުރިހާ ޚިދުމަތްތަކެއް ލިބޭ ފެންވަރުގެ އެންމެ ޒަމާނީ ހޮސްޕިޓަލެއް ޤާއިމުކުރުމަށް ވެސް މި ސަރުކާރުން ވަނީ ނިންމަވާފައެވެ.
Advertisement
This content is created and paid for by advertisers and does not involve Voice Journalists
