ހީކުރިވަރަށް ވުރެ ރައީސް ޑރ. މުޙަައްމަދު މުޢިއްޒު ކުޅަދާނަކަމަށާއި، އެމަނިކުފާނުގެ ސަރުކާރުގެ ދުވެލި ހަލުވި ވެފައި އަވަސް ކަމުގައި ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
މިފަދައިން ވިދާޅުވެ، ޝަރީފް ކުރެއްވި ޓުވީޓެއްގައި ވަނީ، ގޮތް ނިންމުމުގައި ރައީސް މުޢިއްޒު އަވަސް ކަމަށް ފާހަގަކުރެވިފައިވާ ކަމަށް ވިދާޅުވެ އެމަނިކުފާނަށް ތައުރީފް ކުރައްވައިފައެވެ. އަދި ރާއްޖެއަށް ދިމާވެފައިވާ ގޮންޖެހުންތައް ގިނަ މި ދަނޑިވަޅުގައި ބޭނުންވަނީ ވިސްނުންތެރިކަމާއި ހިކުމަތްތެރިކަމާ އެކު ގޮތް ނިންމަވާ ލީޑަރެއް ކަމުގައިވެސް ޝަރީފްގެ ޓުވީޓުގައި ވަނީ ވިދާޅުވެފައެވެ.
އުނދަގޫ ދަތި ދަނޑިވަޅުތަކުގައި ވިސްނުންތެރިކަމާއި ހިކުމަތްތެރިކަމާ އެކު ހަލުވި ސްޕީޑްގައި ކަންކަން ކުރާ ލީޑަރެއް ގައުމު ބޭނުންވަނީ
އިބްރާހިމް ޝަރީފް
ޝަރީފް މިފަދައިން ވިދާޅުވެފައިވާއިރު މީގެ ކުރިން އެމްޑީޕީގައި މަސައްކަތް ކުރެއްވި ޝަރީފް އަކީ މިފަހުން އެމްޑީޕީން ވަކިވެ ވަޑައިގަތުމަށްފަހު ޕީއެންސީއާއި ގުޅިވަޑައިގެން 13 މެމްބަރުންގެ ތެރޭގައި ހިމެނިވަޑައިގަންނަވާ ބޭފުޅެކެވެ.
އެ މެންބަރުނ ޕީއެންސީއާ ގުޅިވަޑައިގެންނެވުމަށްފަހު ބާއްވާ މަޖިލީހުގެ ފުރަތަމަ ޖަލްސާ އަންނަމަހުގެ 5 ދުވަހަށް މަޖިލީހުން ވަނީ އެޖެންޑާކޮށްފިއެވެ.
އެ ޖަލްސާގައި ރައީސް މުއިއްޒު ވެރިކަމާއި ހަވާލުވެވަޑައިގަތުމަށްފަހު ފުރަތަމަ ފަހަރަށް ރިޔާސީ ބަޔާން އިއްވަވާނެއެވެ.
Advertisement
This content is created and paid for by advertisers and does not involve Voice Journalists
