މާލެ ސިޓީ ކައުންސިލްގެ އިތުރު ތިން ކައުންސިލަރަކު މިވަގުތު ވެރިކަން ކުރަމުންގެންދާ މައިޕާރޓީ ޕީޕަލްސް ނޭޝަނަލް ކޮންގްރެސް، ޕީއެންސީއަށް މިއަދު ސޮއިކުރައްވައިފިއެވެ.
މިއަދު ޕީއެންސީ އާއި ގުޅިވަޑައިގެންފައި ވަނީ
- މާފަންނު ހުޅަނގު ދާއިރާގެ މެންބަރު އިބްރާހިމް އަބޫބަކުރު
- މާފަންނު ހުޅަނގު އުތުރު ދާއިރާގެ މެންބަރު މުޙައްމަދު އަރީޝް
- މައްޗަންގޯޅި ދެކުނު ދާއިރާގެ މެންބަރު އާއިޝަތު ނާޒިމާ
މި ތިން ކައުންސިލަރުންގެ ތެރެއިން އިބްރާހީމް އަބޫބަކުރަކީ ޕީޕީއެމްގައި ހުންނެވުމަށް ފަހު، މި މަހުގެ ތެރޭގައި ޕީއެންއެފަށް ސޮއިކުރެއްވި ކައުންސިލަރެކެވެ. އަރީޝްއަކީ އިދިކޮޅު އެންމެ ބޮޑު ޕާޓީ، އެމްޑީޕީގެ ކައުންސިލަރެކެވެ. އަދި ނާޒިމާ މިއަދާ ހަމައަށް ވެސް ހުންނެވީ ޕީޕީއެމްގައެވެ.
މިއަދު ޕީއެންސީ އާއި ގުޅިވަޑައިގެންނެވި މި ތިން ކައުންސިލަރުން ޕީއެންސީއާ ގުޅިވަޑައިގެންނެވި ފޯމާއި ހަވާލުވެ ވަޑައިގެންނެވީ އަދުގެ ރައީސުލްޖުމުހޫރިއްރާ އަދި ޕާޓީގެ ރައީސް ޑރ. މުހައްމަދު މުއިއްޒެވެ.
މިއަދު މި ތިން ކައުންސިލަރުން ޕީއެންސީއަށް ސޮއިކުރައްވާފައި ވާއިރު މިދިޔަ ހޯމަ ދުވަހު މާލެ ސިޓީ ކައުންސިލުގެ މެދު ހެންވޭރު ދާއިރާއަށް ހުވާ ކުރެއްވި އަހުމަދު ރިޝްވާން ވެސް ވަނީ, މަޤާމުގެ ހުވާ ކުރެއްވުމުގެ ކުރިން ޕީއެންސީއަށް ސޮއިކުރައްވައިފައެވެ. ރިޝްވާނަކީ އެމްޑީޕީ ޓިކެޓުގައި ކައުންސިލަށް އިންތިހާބުވެ ވަޑައިގެންނެވި ކައުންސިލަރެކެވެ.
މިވަގުތު މާލެ ސިޓީ ކައުންސިލްގެ މޭޔަރު އާދަމް އާޒިމް ހިމެނިވަޑައިގަންނަވާ ގޮތަށް މާލެ ސިޓީ ކައުންސިލްގައި ތިއްބެވި 19 ކައުންސިލަރުންގެ ތެރެއިން 15 ކައުންސިލަރުންނަކީ ޕީޕީއެމް/ޕީއެންސީގެ ކައުންސިލަރުންނެވެ.
Advertisement
This content is created and paid for by advertisers and does not involve Voice Journalists
