ރައްޔިތުންނަށް ޚިދުމަތްކުރެއްވުމަށް މާތް الله ގަންދީ ހުވާކުރައްވައިގެން ތިއްބެވި ވަޒީރުންނަށް އެއްވެސް އަސާސެއްނެތި ރުހުން ނުދެއްވުމަކީ މުޖުތަމަޢު ބަލައިގަންނަ ކަމެއްނޫންކަމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަހުމަދު ޝިޔާމް ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވެފައިވަނީ މިއަދު ބޭއްވުނު ރައްޔިތުންގެ މަޖިލިހުގެ ޖަލްސާގައި ނެގުނު ވޯޓުން ރައީސުލްޖުމުހޫރިއްޔާ ޑރ.މުހައްމަދު މުއިއްޒުގެ ކެބިނެޓުގައި ހިމެނި ވަޑައިގެންނެވި ތިންވަޒީރަކަށް ރުހުން ނުދިނުމަށް ނިންމި ނިންމުމާއި ގުޅިގެން މިއަދު އެކްސް މެދުވެރިކޮށް ކުރެއްވި ޕޯސްޓެއްގައެވެ.
ޝިޔާމުގެ ޕޯސްޓުގައި އިތުރަށް ވިދާޅުވެފައި ވަނީ ރައީސުލް ޖުމްހޫރިއްޔާ ޑރ. މުޙައްމަދު މުއިއްޒު އެކުލަވާލެއްވި ވަޒީރުންގެ މަޖިލީހަށް ރުހުންދެއްވުމުގައި މަޖިލިސް މެންބަރުން މިއަދު ސެޓްކުރެއްވި ޕްރެސީޑަންޓަކީ ތަހުޒީބު މުޖުތަމައެއްގައި ވަރަށްވެސް ޒިންމާދާރުކަންކުޑަކޮށް ކުރެއްވި ކަމެއް ކަމަށެވެ.
"ރައީސުލް ޖުމްހޫރިއްޔާ ޑރ.މުޙައްމަދު މުއިއްޒު އެކުލަވާލެއްވި ވަޒީރުންގެ މަޖިލީހަށް ރުހުންދެއްވުމުގައި މަޖިލިސް މެންބަރުން މިއަދު ސެޓްކުރެއްވި ޕްރެސީޑަންޓަކީ ތަހުޒީބު މުޖުތަމައެއްގައި ވަރަށްވެސް ޒިންމާދާރުކަންކުޑަކޮށް ކުރެއްވި ކަމެއް. ރައްޔިތުންނަށް ޚިދުމަތްކުރެއްވުމަށް މާތް الله ގަންދީ ހުވާކުރައްވައިގެން ތިއްބެވި ވަޒީރުންނަށް އެއްވެސް އަސާސެއްނެތި ރުހުން ނުދެއްވުމަކީ މުޖުތަމަޢު ބަލައިގަންނަކަމެއްނޫން." މިނިސްޓަރ ޝިޔާމުގެ އެކްސް ޕޯސްޓުގައި ވިދާލުވެފައި ވެއެވެ.
މިއަދު ބޭއްވުނު ރައްޔިތުންގެ މަޖިލިހުގެ ޖަލްސާގައި ރހުން ނުދިނުމަށް ނިންމާފައިވަނީ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދަށާއި، އެޓާނީ ޖެނަރަލް އަހުމަދު އުޝާމަށާއި ، އަދި ހައުސިން މިނިސްޓަރު ޑރ. އަލީ ހައިދަރަށެވެ.
މިއަދު ބޭއްވުނު މަޖިލިސް ޖަލްސާގައި ރައީސުލްޖުމުހޫރިއްޔާ ޑރ. މުހައްމަދު މުއިއްޒުގެ ކެބިނެޓުގައި ހިމެނި ވަޑައިގަންނަވާ 22 މިނިސްޓަރުންގެ ތެރެއިން މަޖިލީހުން ރުހުން ދީފައި ވަނީ 19 ބޭފުޅަކަށެވެ.
Advertisement
This content is created and paid for by advertisers and does not involve Voice Journalists
