މިދިޔަ ބުދަ ދުވަހު އިންޑިއާ ސިފައިން އެރި ދިވެހި މަސް ދޯނި "މާހޯރަ 3" އަށް ދެވަނަ ފަހަރަށް އިންޑިއާ ސިފައިން އަރާ ދޯނީގެ ފަޅުވެރިންނަށް ހަތިޔާރުން ބިރުދައްކައިފި ކަމަށް ދޯނީގެ އޮޑިވެރިޔާ ބުނެފިއެވެ.
ދޯނީގެ އޮޑިވެރިޔާ މުންޒިރު 'ވޮއިސް" އާއި ވާހަކަ ދައްކަމުން ބުނީ ދެވަނަ ފަހަރަށް އެދޯންޏަށް އިންޑިއާ ސިފައިން އަރާފައި ވަނި ހުކުރު ވިލޭރޭ ކަމަށެވެ.
"ދޯންޏަށް އެރި އިންޑިޔާގެ ހުރިހާ ސިފައިންވެސް ތިބީ ހަތިޔާރާއިއެކު . އެމީހުން އަރާ ދޯނީގެ އެންމެ ދޯނީގެ ފަހަތުކޮޅަށް ގެންގޮސް ހަތިޔާރު ދިމާކޮށް އެމީހުން ބަލަން ބެނުންވާ ކަންތައްތަކެއް ބެލިކަމަށް އޮޑިން މަޢުލޫމާތު ދިނީ "
ތަފްސީލް ދެމުން މާހޯރަ 3 ގެ ވެރިފަރާތް މުންޒިރު ބުންޏެވެ.
މުންޒިރު އިތުރަށް ބުނިގޮތުގައި އިނޑިއާ ސިފައިން ދެފަހަރަށްވެސް ދޯންނަށް އަރަފައި ވަނި ކަންނެއްޔަށް ނިކުމެ އުޅެނިކޮށް ރާއްޖެގެ ކަނޑުގެ ސަރަހައްދުގައި އޮއްވައެވެ.
"އަޅުގަނޑުގެ ދޯންޏަށް އިންޑިއާގެ އަސްކަރިއްޔާއިން 2 ފަހަރަށް ވެސް އަރާފައި މިވަނީ އަޅުގަނޑުމެންގެ ޤައުމުގެ ކަނޑުގެ ސަރަހައްދުގައި އޮއްވަ ، ދޯންޏަށް އިންޑިއާ ސިފައިން އަރަން ޖެހޭ އެއްވެސް ސަބަބެއް އަޅުގަޑަކަށް ނުވިސްނޭ"
މުންޒިރު ބުންޏެވެ.
މުންޒިރު އިތުރަށް ފާހަގަ ކުރި ގޮތުގައި އިންޑިއާ ސިފައިންގެ މިއަމަލުތައް ހުރި ގޮތުން ދޯނީގައި ތިބި ފަޅުވެރިން މިވަގުތު ތިބީ ކޮންމެވެސް ވަރެއްގެ ބިރުވެރިކަމެއްގެ ތެރޭގައި ނަމަވެސް ހުކުރު ކޮށްލުމަށް ފަހު އަނެއްކާވެސް އެމީހުން މަހަށް ނިކުމެފައިވާ މަށެވެ.
މި ދޯންޏަށް އިންޑިއާ ސިފައިން އެރުމާއި ގުޅިގެން ބޮޑުކަންނެލި މަސްވެރިންގެ ޔުނިއަން އިންވެސްވަނީ ކަން ބޮޑުވުން ފާލުކޮށްފައެވެ.
" 1ފެބްރުއަރީ 2024 ވަނަ ދުވަހުގެރޭ މާހޯރަ3 ދަތުރު ކުރަމުން ދަނިކޮށް މޮޅަދޫ ބޮޔާއި 3 މޭލު ހިސާބުން ރޭގަނޑު 12 ޖެހިއިރު އިންޑިޔާގެ މަނަވަރެއް ކައިރިކޮށް ދޯންޏައް އަރާ މަސްވެރިންނަށް ވަނީ ބިރު ދައްކާފައި.މި މައްސަލަވަނީ ދޯނީގެ ވެރި ފަރާތުން ރިޕޯޓްކޮށްފައި!"
ޔުނިއަންގެ ކުރު ނޯޓްގައި ބުނެފައި ވެއެވެ.
އިންޑިއާ ސިފައިންގެ މިއަމަލުތަކާއި ގުޅިގެން ދިވެހި ސަރުކާރުން މިހާރު ވަނީ މިކަންތައްތައް ހިނގާ ދިޔަ ގޮތް ސާފުކޮށް ދިނުންއެދި އިންޑިއާ ސަރުކާރުގައި ލިއުމުން އެދިފައެވެ.
Advertisement
This content is created and paid for by advertisers and does not involve Voice Journalists
