މާލެއިން 15  އަހަރުގެ ކުއްޖަކު ގެއްލިގެން ރިޕޯޓްކުރުމާއި ގުޅިގެން އެ ކުއްޖާ ހޯދުމުގެ މަސައްކަތް ދިވެހި ފުލުހުންގެ މުއައްސަސާއިން ފައްޓަވައިފިއެވެ.

މޯލްޑިވްސް ޕޮލިސް ސާވިސްއިން ވިދާޅުވިގޮތުގައި  ގެއްލިގެން ހޯދަމުންދަނީ ހުޅުމާލޭ ފުރަތަމަ ފިޔަވަހީގެ ފްލެޓެއްގައި ދިރިއުޅެމުންދާ ދ. ކުޑަހުވަދޫ / ދާރުއްސަލާމް، އާދަމް ޒިޔާން މުޙައްމަދު ނަމަކަށް ކުއްޖެއް ކަމަށެވެ.

މި ކުއްޖާ އާއި ބެހޭގޮތުން ފުލުހުންގެ އިދާރާއިން އިތުރަށް ބުނެފައިވަނީ އެ ކުއްޖާ ގެއްލިގެން ރިޕޯޓްކޮށްފައިވަނީ މިމަހުގެ 2 ވަނަ ދުވަހުކަމަށާއި، އަދި އެ ކުއްޖާ އެންމެ ފަހުން ފެނިފައިވަނީ މިމަހުގެ 1 ވަނަ ދުވަހުގެރޭ 11:00 ހާއިރު، އޭނާ ދިރިއުޅޭ ގެއިންކަމަށެވެ.

ފުލުހުން އިދާރާއިން އިތުރަށް ވިދާޅުވީ ކުއްޖާއާ ގުޅޭ އެއްވެސް މަޢުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ފެމިލީ އެންޑް ޗައިލްޑް ޕްރޮޓެކްޝަންގެ ނަންބަރު 9790163 ނުވަތަ 3000600 އަށް ގުޅުއްވާ އެމަޢުލޫމާތު ހިއްސާކޮށްދެއްވުމަށް އެދިވަޑައިގަންނަވާކަމަށެވެ.

މިފަހަކަށް އައިސް މީހުންނާއި ކުދިން ގެއްލިގެން ފުލުހުންގެ ޢިދާރާއިން މިފަދަ އިއުލާނުތައް ކުރަމުންގެންދެއެވެ.