އެމްޑީޕީގެ އިސްވެރިން ގެންދަވަނީ އިންޑިއާ އާއި ގުޅިގެން ދިވެހިރާއްޖޭގައި ޖަރީމާ ހިންގުމަށް މަސައްކަތް ކުރަމުން ކަމަށް ކަނޑިތީމު ދާއިރާގެ މެމްބަރ އަބްދުالله ޝަހީމް އަބްދުލްޙަކީމް ތުހުމަތު ކުރައްވައިފިއެވެ.
މެންބަރު ޝަހީމް މިފަދައިން ވިދާޅުވެފައި ވަނީ ރައްޔިތުން މަޖިލިހުގެ މިއަދުގެ ޖަލްސާއަށް ހުށަހެޅުނު ކުއްލި މައްސަލައަކަށް ވާހަކަ ދައްކަވަމުންނެވެ.
"އަޅުގަނޑުމެންނަށް އެބަ އަޑުއިވޭ އެމްޑީޕީގެ އިސްފަރާތްތަކުން ދަންވަރުގަޑީގައާއި އަދި ފަތިސް ގަޑި އާއި އެހެން ގަޑިތަކުގައި އިންޑިއާގެ އެތަށް ބަޔަކާއި ބައްދަލުކޮށް، ސީނިއަރ އެތައްބަޔަކާއި ބައްދަލުކޮށް މިފަދަ ޖަރީމާތައް ހިންގަން ތިބޭފުޅުން ހިތްވަރު ދެއްވާ ދެއްވުމަކީ އަޅުގަނޑުމެންގެ ދިވެހި މަސްވެރިން ނުރައްކަލުގެ ތެރެއަށް ވައްޓާލި ވައްޓާލުން ހަރކަށި އިބާރާތުން ކުށްވެރިކުރަން "
ކަނޑިތީމު ދާއިރާގެ މެމްބަރ ޝަހީމް
މެމްބަރގެ ވާހަކާގައި އިތުރަށް ވިދާޅުވީ ދިވެހި މަސްކަނޑު ތެރެއަށް ވަދެ ދިވެހި މަސް އޮޑިފަހަރަށް އަރާ ހިސާބަށް ދިއުމަކީ ނުރައްކާތެރިކަމެއް ކަމަށާއި، މިކަން ވީމަވެސް ފެނިގެން ދަނީ ބަޔަކު ނިކުމެ އިންޑިއާ ދިފާއުކުރަތަން ކަމަށެވެ.
އަދި ދިވެހިންނަށް އަބަދުވެސް އިސްވާން ޖެހޭނީ ދިވެހިންކަން ފާހަގަކުރެއްވައި ޝަހީމް ވަނީ އެފަދަ އެމަލުތައް ހިންގަވާ ފަރާތްތަކުން މިހާރުން މިހާރަށް ހުއްޓާލުމަށް ގޮވާލައްވާފައެވެ.
މިއަދު މި ހުށަހެޅުނު ކުއްލި މައްސަލައަކީ ދިވެހި ކަނޑުގެ ސަރަހައްދުގެ ތެރެއަށް ވަދެ މަސްއޮޑިތަކަކަށް ބޭރުގެ ސިފައިން އަރާފައިވާ ކަމަށް ބުނެ ރ.އުނގޫފާރު ދާއިރާގެ މެމްބަރ މުޙައްމަދު ވަހީދު ހުށަހެޅުއްވި ކުއްލި މައްސަލައެކެވެ.
މި ކުއްލި މައްސަލައަށް މިއަދު މިޖިލހުގައި ބަހުސް ކުރެވުނު އިރު މިދިޔަ ހަފްތާގެ ބުދަ ދުވަހު ވަނީ ރާއްޖޭގެ ކަނޑުގެ ސަރަހައްދުގައި މަސްވެރިކަމުގައި އުޅުނު 3 ދޯންޏަކަށް އިންޑިއާ ސިފައިން ހަތިޔާރާއިއެކު އަރާފައެވެ. އަދި އޭގެ އިތުރުން މިދިޔަ ހުކުރު ވިލޭރޭ ވެސް ވަނީ އޭގެ ތެރެއިން އެއްދޯންޏަކަށް ހަމަ ހަތިޔާރާއި އެކު އިންޑިއާ ސިފައިން އަރާފައެވެ.
Advertisement
This content is created and paid for by advertisers and does not involve Voice Journalists
