ރައީސުލްޖުމްހޫރިއްޔާ ޑރ މުހައްމަދު މުޢިއްޒު ރިވެލި ޕްރޮގްރާމް އިފްތިތާހު ކޮށްދެއްވައިފިއެވެ.

މި ޕްރޮގްރާމް އިފްތިތާހުކޮށްދެއްވީ މިހާރު ޔޫއޭއީއަށް އެމަނިކުފާނު ކުރައްވަމުން ގެންދަވާ ދަތުރުފުޅުގައި، އެގައުމުގައި ދިރިއުޅޭ ދިވެހިންނާއި ބައްދަލުކުރެއްވުމަށް ތާޖު ހޮޓަލްގައި ބޭއްވެވި ބައްދަލުވުމުގެ ތެރެއިންނެވެ.

މި ހަފްލާގައި އެޑިކޭޝަން މިނިސްޓަރ ޑރ އިސްމާއިލް ޝަފީއު ބައިވެރިވަޑައިގެންފައިވެއެވެ.

މި ބައްދަލުވުމުގައި ވާހަކަދައްކަވަމުން އެޑިއުކޭޝަން މިނިސްޓަރު ޑރ.އިސްމާއީލު ޝަފީއު ވިދާޅުވީ، އިސްލާމް އަދި ދިވެހި ކިޔަވައިދިނުމަށް ފެށި ޕްރޮގުރާމު އިތުރަށް ފުޅާކޮށް ބޭރުގައި އުޅޭ ދިވެހި ކިޔަވާ ކުދިންނަށް އެ ދެ މާއްދާ ކިޔަވައިދިނުމަށް ޚާއްޞަ އޮންލައިން ޗެނަލެއް ވަރަށް އަވަހަށް ޤާއިމުކުރައްވާނެ ކަމަށެވެ.

ރިވެލި އިފްތިތާހުކުރި ހަފްލާގެ ތެރެއިން----ފޮޓޯ: ވޮއިސް

ރިވެލި ޕްރޮގްރާމަކީ ބޭރު ގައުމުތަކުގައި ދިރިއުޅޭ ދިވެހިންނަށް ދިވެހި ބަހާއި، އިސްލާމީ ތަރުބިއްޔަތު ކިޔަވައި ދިނުމުގެ އޮންލައިން ޕްރޮގްރާމެކެވެ.

ޕްރޮގުރާމު އިފުތިތާހުކުރި ޖަލްސާގައި ވާހަކަދައްކަވަމުން ޚާރިޖީވަޒީރު މޫސާ ޒަމީރު ވިދާޅުވީ ޔޫއޭއީ ނޫން އެހެނިހެން ބައެއް ޤައުމުތަކުގައި ދިރިއުޅޭ ދިވެހިންވެސް އޮންލައިންކޮށް މި ދެ މާއްދާ ކިޔަވައިދެވޭނެ އިންތިޒާމު ހަމަޖައްސައިދިނުމަށް އެދެމުންދާ ކަމަށެވެ. އެގޮތުން މިހާރު ސަރުކާރުން ތައްޔާރުވަމުން އަންނަނީ އޮސްޓްރޭލިއާއީ މެލޭޝިޔާ އަދި ސިންގަޕޫރުގައި ދިރިއުޅޭ ދިވެހި ކުދިންނަށް ދިވެހި އިސްލާމް ކިޔަވައިދިނުމަށް ތައްޔާރުވަމުން ކަމުގައި ޒަމީރު ވިދާޅުވިއެވެ.

ރައީސް ޑރ މުޢިއްޒުގެ ދިވެހީންގެ މެނިފެސްޓޯގައި ދިވެހި ޤައުމިއްޔަތައް ބޮޑު އިސްކަމެއް ދީފައިވާއިރު، ޤައުމިއްޔަތާ ބެހޭ މާއްދާއެއް ތައާރަފްކުރަން ވަނީ ނިންމަވާފައެވެ.