ކުރީގެ ރައީސް އިބްރާހިމް މުހައްމަދު ޞާލިހުގެ ސަރުކާރުގެ ފަސް އަހަރު ތެރޭގައި ސިއްހީ ދާއިރާއަށް ވެފައިވާ އިހްމާލުން ލިބުނު ބައެއް ގެއްލުންތައް، އަދުގެ ސިއްހަތާއި ބެހޭ ވުޒާރާގެ ވަޒީރު ޑރ. އަބްދުالله ޚަލީލް ކިޔައިދެއްވައިފިއެވެ.
މިނިސްޓަރ ޚަލީލް މި ވާހަކަތައް ކިޔައިދެއްވީ، އައްޑޫ ސިޓީގެ ކުއްޖެއްގެ ބުރަކަށްޓަށް ޖެވެލިން ދަނޑިއެއްް ހެރިގެން އެކުއްޖާ އަށް އައްޑޫ އިކުއެޓޯރިއަލް ހޮސްޕިޓަލުން ފަރުވާ ދިނުމުގެ ކަންކަމުގައި ލަސްތަކެއްވެ، އެތަނުގެ ޑޮކްޓަރުން އިހުމާލުވުމުގެ ސަބަބުން ފުރާނައަަށް ނުރައްކާވާ ހިސާބަށް ކަންކަން ދިޔަ، ކަމަށް ބުނެ ލިޔެފައިވާ ރިޕޯޓަކާއި ގުޅިގެން އެކްސްގައި ކުރެއްވި ޕޯސްޓެއްގައެވެ.
އެގޮތުން ޑރ. ޚަލީލް ވިދާޅުވީ ކުރީގެ ރައީސް ސޯލިހުގެ 5 އަހަރުގެ ވެރިކަން ނިމުނު އިރު ރާއްޖޭގެ ސިއްޙީ ނިޒާމަށްވަނީ ބޮޑެތި އިހުމާލުތަކެއްވެ ގެއްލުންތަކެއްދީފައި ކަމަށެވެ.
ސިއްހީ ޚިދުމަތްދޭ ޢިމާރާތްތައް މަރާމާތު ނުކުރޭ. ގިނަ ތަންތަން ހުރީ ފުރާޅު ފޫ ވެއްޓި ނުވަތަ ސީލިންގ ވެއްޓޭ ހިސާބު ގައި. ހޮސްޕިޓަލްތަކުގައާއި ސިއްޙީ މަރުކަޒުތަކުގައި ހުރި މެޝިނަރީތައް ހަލާކުވުމުން އެތަކެތިވެސް މަރާމާތު ކުރުމުގެ ބަދަލުގައި ހުރީ ނުހަދައި ދޫކޮށްލާފައި.
ވަޒީރު ޑރ. އަބްދުالله ޚަލީލް
މީގެ އިތުރުން އަސާސީ ބައެއް ބޭސްތައް ސިއްހީ ޚިދުމަތްދޭ ބައެއް ތަންތަނުން ހުސްވެފައި ހުރުމުގެ އިތުރުން ބައެއް ޚިދުމަތްވެސް ހުރީ ހުއްޓިފައި ކަމަށް ވަޒީރު ފާހަގަކުރެއްވި އެވެ.
އަދި އެއީ މާލޭގައި ހުރި ދަރުމަވަންތަ ހޮސްޕިޓަލުން ފެށިގެން އެންމެ ކުޑަ އާބާދީ އޮތް ރަށުގެ ސިއްހީ ހާލަތު ހުރިގޮތް ކަމަށާ އެމްޑީޕީ ވެރިކަން އަންނަ ކޮންމެ ފަހަރަކު ކަން ހިނގައި ދަނީ އެފަދައިން ކަމަށް ޚަލީލް ފާހަގަކުރެއްވި އެވެ.
ރައްޔިތުންނަށް ހެޔޮއެދޭ ވެރިޔަކު މިހާ ބޮޑު އަނދަވަޅަކަށް ސިއްހީ ނިޒާމު ވައްޓާނުލާނެ.
ވަޒީރު ޑރ. އަބްދުالله ޚަލީލް
ނިމިދިޔަ ސަރުކާރުން އެންމެ ބޮޑަށް އިހުމާލުވެފައިވާ އެއް ދާއިރާ އަކީ ސިއްހީ ދާއިރާ ކަމަށް އިންތިގާލީ މަރުހަލާގައި ހޯދި ހޯދުންތަކުން ވެސް ހާމަވެގެން ދިޔަ ކަމަށް އެ މަރުހަލާ ތެރޭގައި، އިންތިގާލީ އޮފީހުން ބޭއްވި ނޫސްވެރިންގެ ބައްދަލުވުމުގައި ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
