ސަރުކާރުގެ ބޯހިޔާވަހިކަމުގެ މަޝްރޫއު ދެކުނުގެ ހަތަރު އަތޮޅުގައި ކުރިއަށް ގެންދާނެ ކަން ރައީސުލްޖުމުހޫރިއްޔާ ޑރ މުހައްމަދު މުޢިއްޒު އިއުލާން ކުރައްވައިފިއެވެ.
ރައީސުލްޖުމްހޫރިއްޔާ ހުވަދު އަތޮޅަށް ކުރައްވަމުންދާ ގދ. ތިނަދޫއަށް ވަޑައިގެން އެރަށު ރައްޔިތުންނާ ބައްދަލު ކުރައްވައި ބޭއްވި ޖަލްސާގައި ރައީސް ވިދާޅުވީ، ރާއްޖެ 7 ސަރަހައްދަކަށް ބަހާލައި، ސަރަހައްދީ ތަރައްގީގެ ގެނައުމަކީ އެމާނިކުފާނުގެ ސަރުކާރުގެ ޕްލޭން އެއް ކަމަށެވެ.
އެގޮތުން ދެކުނުގެ ޑިވެލޮޕްމަންޓް ޒޯންގައި ތިނަދޫ ސިޓީއަކީ ސަރަހައްދީ ތަރައްގީގެ މުހިންމު ނާރެހެއް ކަން އެމަނިކުފާނު ފާހަގަކުރެއްވިއެވެ.
ސަރަހައްދީ ތަރައްގީގައި އަޅުގަނޑު ހުށަހެޅީ ރައްޖޭގައި އެންމެ އުތުރުން ސަރަހައްދީ ތަރައްގީގެ ޒޯނެއް ކަނޑައަޅަން. އަދި އެންމެ ދެކުނުން ވެސް ރާއްޖޭގެ ސަރަހައްދީ ތަރައްގީގެ ޒޯނެއް ކަނޑަޅަން. އޭގެ އިތުރުން މުހިންމު އެކި ސަރަހައްދުތަކަށް ބަހާލައި، 7 ސަރަހަދެއްގައި އާބަން ސެންޓަރުތަކެއް ހަދައި، އަދި ދެން ހުރި ހުރިހާ ސަރަހެއްދެއްގައިވެސް، ބޭނުންވާ ފެސިލިޓީއެއް އެ ރަށެއްގެ އާބާދީގެ ނިސްބަތުން ފޯރުކޮށްދެވޭ ނިޒާމެއް. އެގޮތުން ބަލާއިރުގައި މި ސަރަހައްދުގެ ޑިވެލޮޕްމަންޓް ޒޯންގައި މިސިޓީ (ތިނަދޫ ސިޓީއަކީ) ސަރަހައްދީ ތަރައްގީގެ މުހިންމު ނާރެހެއް.
ރައީސުލްޖުމްހޫރިއްޔާ ޑރ މުހައްމަދު މުޢިއްޒު
މިއާއެކު އެމާނިކުފާނު ވިދާޅުވީ މި ސަރުކާރުގެ އެންމެ މުހިންމު އެއް ސިޔާސަތަކީ ގެދޮރުވެރިކަން ކަމަށެވެ. އަދި އެސިޔާސަތުގެ ދަށުން އެންމެ ގިނަ ޕްރޮޖެކްޓް ހިންގަވާނީ ސަރަހައްދީ ތަރައްގީގެ ޒޯންތަކުގައި ކަން ފާހަގަކުރެއްވިއެވެ.
އެގޮތުން ސަރުކާރުން ކުރިއަށްގެންދަން ނިންމާފައިވާ ބޯހިޔާވަހިކަމުގެ ގިނަ މަޝްރޫރު ކުރިއަށް ގެންދަން ނިންމާފައިވަނީ ދެކުނުގެ ހަތަރު އަތޮޅެއްގައި ކަމަށްވެސް ވިދާޅުވި އެވެ.
ބޯހިޔާވަހިކަމުގެ ސިޔާސަތުގެ ދަށުން ސަރަހައްދީ ތަރައްގީގެ ޒޯންތަކުގައި އެންމެ ގިނަ ޕްރޮޖެކްޓް ހިންގާނީ. އަދި އެހެނިހެން ހުރިހާ ރަށަކަށްވެސް މިހެން ދެންނެވިޔަސް ހައުސިންގ ލިބޭނެ. އެހެންވީމާ، އައްޑޫސިޓީ, ފުވައްމުލަކު، ހުވަދު އަތޮޅު ދެކުނުބުރި، އުތުރުބުރި، މި ޒޯންގައި އެންމެ ގިނަ ފްލެޓްތައް އެޅިގެންދާނީ. ހަމަ އެއާއެކީގައި އުތުރާއި މެދުރާއްޖެތެރޭގައި ކަނޑައެޅޭ ސަރަހައްދު ތަކުގައި
ރައީސުލްޖުމްހޫރިއްޔާ ޑރ މުހައްމަދު މުޢިއްޒު
ގެދޮރުވެރިކަމަކީ ރައީސުލްޖުމްހޫރިއްޔާ އެންމެ އިސްކަމެއް ދެއްވައިގެން ކުރިއަށްގެންދަވާ އެއް މަސައްކަތް ކަމަށް އެކި ފަހަރު މަތިން އެމަނިކުފާނު ވަނީ ވިދާޅުވެފަ އެވެ. އަދި އެމަނިކުފާނުގެ ދައުރު ނިމޭއިރު ގެދޮރޮވެރިކަމަށް ހައްލެއް ހޯއްދަވައިދެއްވާނެ ކަމަށް ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
