ރާއްޖޭގެ ސްޕްރިމްކޯޓުން ނިންމާފައި ނިންމުމަކަށް ބަލާ ރައްޔިތުންގެ މަޖިލިހުން ބިލެއް ދެވަނަ ފަހަރަށް ހަމަ އެ އޮތް ގޮތަށް ފާސްކޮށްފައި ރައީސުލްޖުމހޫރިއްޔާއަށް ފޮނުވައިފި ނަމަ ރައީސުލްޖުމުހުރިއްޔާ އެބިލެއް ވަގުތުން ވަގުތަށް ތަސްދީގު ކުރައްވަން ޖެހޭނެކަމަށް އެމްޑީޕީން ބުނެފިއެވެ.

އެމްޑީޕީން މިފަދއިން ބުނެފައިވަނީ އެޕާޓީގެ ޕާލިމެންޓްރީ ގްރޫޕުގެ ފަރާތުން ބޭއްވި ނޫސްވެރިންގެ ބައްދަލުވުމެއްގައި ތުޅާދޫ ދާއިރާގެ މެންބަރު ހިސާން ހުސެއިންއެވެ.

އޭނާ ވިދާޅުވީ ކުރީގެ ރައީސް މުހައްމަދު ނަޝީދުގެ ވެރިކަމުގައި މަޖިލީހުން ދެ ވަނަ ފަހަރަށް ފާސްކުރި ބިލެއް ތަސްދީގު ނުކޮށް ލަސްކުރުމުން އެމައްސަލަ ސްޕްރިމްކޯޓަށް ހުށަހެޅުމުން އެ ކޯޓުން ބުނެފައިވަނީ އިންސާނީ ބާރު ނުފޯރާ ފަދަ އިހުތިޔާރުން ބޭރު ސަބަބެއް މެދުވެރިވެގެން މެނުވީ ދެވަނަ ފަހަރަށް މިޖިލިހުން ފޮނުވާ ބިލެއް ލަސްކުރުމަކާ ނުލައި ރައީސުލްޖުމްހޫރިއްޔާ އެ ބިލެއް ތަސްދީގު ކުރައްވަން ޖެހޭނެކަމަށެވެ.

Advertisement

މެންބަރު ހިސާން އިތުރަށް ވިދާޅުވީ ސުޕްރީމް ކޯޓުގެ ހުކުމް އެގޮތަށް އޮތުމުން ބިލް ތަސްދީގު ނުކުރައްވައި ލަސްކުރުމުގެ އެއްވެސް އިހުތިޔާރެއް ރައީސަށް ނެތް ކަމަށެވެ.

ހިސާން އިތުރަށް ވިދާޅުވީ މިބިލްތަސްދީގު ނުކުރައްވާ ކޯޓަށް ވަޑައިގެންނެވުމުގެ މަގު ރައީސް ޚިޔާރު ކުރައްވައިފި ނަމަ އެކަން ވެގެންދަނީ އިންތިހާބުތަކަށް ނުފޫޒު ފޯރުވުމަށް މަސައްކަތް ކުރެއްވުން ކަމަށާއި، އެމްޑީޕީގެ ސަރުކާރުތަކުން ނޫން ހުރިހާ ސަރުކާރަކުންވެސް ރާއްޖޭގައި އެމަންޒަރު ފެނިގެން ގޮސްފައިވާ ކަމަށެވެ. ހިސާން ވިދާޅުވީ މިފަހަރު އެހެންއެކަން ވެގެންދާތަން ފެންނަން ބޭނުން ނުވާ ކަމަށާއި ވީހާ އަވަހަކަށް މި ބިލް ފާސްކޮށްދެއްވުމަށް ރައީސް ޑރ. މުއިއްޒުގެ ކިބައި އެދޭކަމަށެވެ.