ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އަތޮޅު ތެރެއަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދު ރ. އަތޮޅަށާއި ބ.އަތޮޅަށް ފެއްޓެވި ދަތުރުފުޅުގައި ރ.އަލިފުއްޓަށް ވަޑައިގަތުމުން އެރަށުގެ ރައްޔިތުން އެމަނިކުފާނަށް ހޫނު މަރުހަބާއެއް ދަންނަވައިފިއެވެ.
ރައީސް ޑރ.މުއިއްޒު މިއަދު މެންދުރު ފަހުގެ ވަގުތެއްގައި އަލިފުއްޓަށް ވަޑައިގެންނެވުމާއި އެކު އެމަނިކުފާނަށް މަރުހަބާ ކިޔުމަށް ރަށުގެ ބަނދަރު މައްޗަށް ގިނަ އަދަދެއްގެ މީހުން އެއްވެފައި ތިއްބެވެ.
ރައީސް ޑރ.މުއިއްޒު މިހާރު ކުރައްވަމުން ގެންދަވާ ތިން ދުވަހުގެ މި ދަތުރުފުޅުގައި އެ ދެ އަތޮޅުގެ ކައުންސިލް ތަކާއި، ރަށްތަކުގެ ކައުންސިލްތަކާއި ބައްދަލުކުރުމަށް ވަނީ ހަމަޖެހިފައެވެ. މިއީ ރަމަޟާން މަހުގެ ކުރިން ރާއްޖޭގެ ހުރިހާ ލޯކަލް ކައުންސިލުތަކާ ބައްދަލުކުރެއްވުމުގެ މަގްސަދުގައި ރައީސް ޑރ.މުއިއްޒު ކުރައްވަމުންދާ ދަތުރުފުޅުތަކެކެވެ.
މިގޮތުން، ރައީސް ޑރ.މުއިއްޒު ވަނީ މިދިޔަ ހަފްތާގައި އުތުރުގެ ހަތަރު އަތޮޅު ކަމަށްވާ ހއ، ހދ، ށ އަދި ނ އަތޮޅަށް ވެސް ވަޑައިގެންފައެވެ.
މި ދަތުރުފުޅުތަކުގައި ރައީސް ޑރ.މުއިއްޒުގެ އަރިހުގައި ކެބިނެޓު ވަޒީރުންނާއި ސަރުކާރުގެ މަތީ ފަންތީގެ އޮފިޝަލުންގެ ވަފުދެއް ބައިވެރިވެވަޑައިގަންނަވައެވެ.
Advertisement
This content is created and paid for by advertisers and does not involve Voice Journalists
