އިއްޔެ އެކަނި ވެސް މާލޭ މަގުމަތިން 59 އަށްވުރެ ގިނަ ޓަނުގެ ކުނި ނެގުނު ކަމަށް މާލޭ ސިޓީ ކައުންސިލުން މިއަދު ބުނެފިއެވެ.

މާލެ ސިޓީ ކައުންސިލުން މިއަދު އެކްސްގައި ކުރި ޕޯސްޓެއްގައި ބުނީ އިއްޔެ އެކަނިވެސް ޖުމްލަ 59.6 ޓަނުގެ ކުނި މާލޭ މަގުމަތިން ނަގައި އުކާލާފައިވާ ކަމަށެވެ.

އެގޮތުން މުޅި ޖުމްލަ 51 ޕިކަޕުގެ ކުނި އުކާލެވިފައިވާ ކަމަށާ، އެގޮތުން އުކައިލާފައިވަނީ:

Advertisement

350 ޓަނުގެ 26 ޕިކަޕު

1.5 ޓަނުގެ 16 ޕިކަޕު

3 ޓަނުގެ 7 ޕިކަޕު

3.5 ޓަނުގެ ޕިކަޕެއް

2 ޓަނުގެ ޕިކަޕެއް

ރަމަޟާން މަހަށް ގެތަށް ސާފުކޮށް ގޭގޭގައި އުފެދޭ ކުނިތައް މަގު މައްޗަށް ނެރެފައި ބެހެއްޓުމުގެ ސަބަބުން މާލެ ގޮނޑަކަށް ވަމުންދާ މައްސަލަ ހައްލު ކުރުމަށް ވެމްކޯއިންވެސް އާއްމުންނަށް ލުއި ތަކެއް ދީފައެވެ.

އެގޮތުން ވެމްކޯއިން އިއްޔެ ނެރުނު އިއުލާނެއްގައި ބުނީ ރޯދައާއި ދިމާކޮށް ބޮޑެތި ކުނި އުފައްދާ މިންވަރު އިތުރުވެފައިވާތީ، ކުނި އުކާލުމަށް ދިމާވެފައިވާ ކަންބޮޑުވުންތަކާއި ގުޅިގެން މާރިޗު 10 ވަނަ ދުވަހުގެ 18:00ން ފެށިގެން ޓްރާންސްފަރ ސްޓޭޝަންތަކަށް އާންމު ރައްޔިތުން ގެންނަ ބޮޑެތި ކުނި އަދި ގެތައް ސާފުކުރުމުގައި އުފައްދާ ކުނި ހިލޭ އުކޭނެ އިންތިޒާމު ހަމަޖައްސާފައިވާ ކަމަށެވެ.

އެގޮތުން ހިލޭ އުކޭނެ އިންތިޒާމު ހަމަޖައްސާފައިވަނީ މާރޗް 13 ވަނަ ދުވަހުގެ ރޭގަނޑު 12 ޖެހުމާއި ހަމައަށް ކަމަށް ވެސް ވެމްކޯ އިން ބުންޏެވެ.