މާލޭގައި އާއްމުކޮށް ކުނިއަޅާ 10 ތަނެއް މާލެ ސިޓީ ކައުންސިލުން އާއްމުކޮށްފިއެވެ.

ރޯދަމަހާ ދިމާކޮށް މާލެސިޓީގެ އެކި ސަރަހައްދުތަކަށް ކުނިއެޅުން ވަނީ އާދަޔާޚިލާފަށް އިތުރުވެފައެވެ. މީގެ ސަބަބުން ހިނގާބިނގާވެ އުޅޭ މީހުންނަށާއި ދުއްވާ އުޅަނދުތަކަށްވެސް އޭގެ ނޭދެވޭ އަސަރު ކުރަމުންދެއެވެ.

މާލެ ސިޓީ ކައުންސިލްގެ މޭޔަރު އާދަމް އާޒިމް އިއްޔެ އެކްސްގައި ކުރި ޕޯސްޓެއްގައި އާއްމުގޮތެއްގައި މިފަދަ ކުނިތައް އަޅަމުންދާ ތަންތަން ފާހަގަކޮށް އެސަރަހައްދުތައް ވަނީ އާއްމުކޮށްފައެވެ. އެ ސަރަހައްދުތަކަކީ:

- އަލަމާ ގޯޅި

- ކެނެރީ ގޯޅި

- ހަދީބީ މަގު

- އޯޑިއޯން ގޯޅި

- މާވެޔޮމަގު ފަތަހަ ކަންމަތި

- ހެންވޭރު ސަހާރާ ކަންމަތި، ކާސިންޖީ މަގު

- ބަރުޖޯރާ ގޯޅި ކަންމަތި

- މ.ޕިއްޒާ ބޯނާ ކަންމަތި

- ދިލްބަހާރު މަގު، ދަގަނޑުކެނޑިގޭ ގޯޅި ކަންމަތި

- ޖަމާލުއްދީން ސްކޫލް ކުރިމަތީ ހަނި ގޯޅިއެވެ.

މި ސަރަހައްދުތަކުގައި ނޫނަސްވެސް، މި ގޮތަށް ކުނި ބަހައްޓާ ފަރާތްތަކުގެ ފޮޓޯ އަދި ވިޑިއޯ މާލޭ ސިޓީ ކައުންސިލްގެ ނަންބަރު 9341144 އަށް ވައިބާ ނުވަތަ ވަޓްސްއެޕް މެދުވެރިކޮށް ފޮނުވުމަށް ވަނީ އެދިވަޑައިގަނެފައެވެ.

އަދި ވެބްސައިޓު މެދުވެރިކޮށް ފޮނުވަން ބޭނުންވާ ފަރާތްތަކަށް http://complaints.malecity.gov.mv/en މި ލިންކު މެދުވެރިކޮށް ފޮނުވުމަށް ވަނީ އެދިފައެވެ.

މާލޭގެ މަގުތަކަށް ކުނިއެޅުން އާއްމުވެފައިވާއިރު، ރޯދަަމަސް ފެށުނުފަހުން ކޮންމެ ދުވަހަކު ކަހަލަ ގޮތަކަށް އެތައް ޓަނެއްގެ ކުނި ސިޓީ ކައުންސިލުން ނަގަމުން ގެންދެއެވެ.