އެމްޑީޕީގެ ޗެއާޕާސަން ފައްޔާޒު އިސްމާޢީލް ފުލުސް އޮފީހަށް ހާޒިރުވުމަށް އެންގުމުން ކުރީގެ ރައީސް އިބްރާހީމް މުޙައްމަދު ސޯލިހު ކަންބޮޑުވުން ފާޅު ކުރައްވައިފިއެވެ.
ފައްޔާޒަށް ފުލުހުން ފޮނުވި ޗިޓުގައި ބުނެފައިވަނީ އާރްޑީސީއަށް ލިބޭ ފައިސާ އެކުންފުނީގެ ވެރިންނާއި އާރްޑީީސީ އާއި ގުޅުން އޮންނަ ފަރާތްތަކަށާއި ކުންފުނިތަކައް ދޫކޮށް އާރްޑީސީގެ ފައިސާއަށް ޚިޔާނާތްތެރިވި މައްސަލައާ ގުޅިގެން ފުލުހުންގެ އިދާރާއަށް ހާޒިރުވުމަށް އަންގާ ކަމަށެވެ.
މިކަމާ ގުޅޭގޮތުން ސޯލިހު މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ، އެއްވެސް އަސާސެއްނެތި އިދިކޮޅު ސިޔާސީ ލީޑަރުން ފުލުސް އޮފީހަށް ހާޒިރުކުރަން ފެށުމުން އެ އިޔާދަވެގެންދަނީ އަނިޔާވެރިކަން ކަމަށެވެ.
ކުރީގައިވެސް އަޅުގަނޑުމެން ދުށް އަނިޔާވެރިކަމާއި ޤާނޫނީ މުއައްސަސާތަކުގެ ބާރު ކަނޑުވާލުމުގެ ހިތި ސިލްސިލާ އިޔާދަވަގެންދަނީ. އަނިޔާވެރި ނުވެވެސް ރައްޔިތުންނަށް ޚިދުމަތް ކުރެވޭނެ
ކުރީގެ ރައީސް އިބްރާހީމް މުޙައްމަދު ސޯލިހު އެކްސްގައި ވިދާޅުވިއެވެ.
ޗެއާޕާސަން ފައްޔާޒުވެސް ވަނީ މިކަމާ ގުޅިގެން މިއަދު އެކްސްގައި ޕޯސްޓެއްކޮށްފައެވެ.
ފައްޔާޒު އެކްސްގައި ކުރެއްވި ޕޯސްޓުގައި ވިދާޅުވީ، އަސާސެއް ނެތް ސިޔާސީ ތުހުމަތުތަކުގެ ސިލްސިލާ ފެށިގެންދިޔައީ ކަމަށެވެ.
އަދި އާރުޑީސީއިން ޚިޔާނާތެއް ވެއްޖެކަމަށް ބުނަމުންދާ މައްސަލައަކީ އެއްވެސް ހަގީގަތެއް އެކުލެވޭ މައްސަލައެއްވެސް ނޫންކަމަށް ފައްޔާޒު ވިދާޅުވިއެވެ.
ފައްޔާޒަށް ތުހުމަތުކޮށްފައިވަނީ ފައިސާއަށް ޚިޔާނާތްތެރިވި މައްސަލާގައި އާރުޑީސީން ކޮށްފައިވާ މުޢާމަލާތްތަކުގެ ތެރެއިން މާލީ މަންފާ އޭނާއަށް ލިބިފައިވާ ކަމަށެވެ.
ފައްޔާޒު އެކަމާ ގުޅިގެން ތަހުގީގުކޮށް ސުވާލުކުރުމަށް އެ އިދާރާއަށް ހާޒިރުވުމަށް އަންގާފައިވަނީ 28 މާރިޗު 2024 ވާ ބުރާސްފަތި ދުވަހުގެ މެންދުރު 15:00 ގައި ސާޖަންޓް އާދަމް ޙަލީމް ކްރިމިނަލް އިންވެސްޓިގޭޝަން ބިލްޑިންގ އަށެވެ.
Advertisement
This content is created and paid for by advertisers and does not involve Voice Journalists
