މިއަހަރުގެ ފިތުރު އީދު ދުވަހު ދެ ގަޑިއިރަށް މާލޭގައި ވެހިކަލް ދުއްވުން މަނާ ކޮށްފިއެވެ.
މި ނިންމުން ނިންމާފައިވަނީ މާލެ ސިޓީ ކައުންސިލްގެ ހަތަރު ވަނަ ދައުރުގެ 140 ވަނަ ރަސްމީ އާއްމު ޖަލްސާގައެވެ.
މި ޖަލްސާގައި، އީދު ދުވަހު ފައިމަގުގައި އުޅޭ ގަޑިއެއް ކަނޑައެޅުމަށް ފުރަތަމަ ހުށަހެޅުއްވީ، މައްޗަންގޯޅި މެދު ދާއިރާގެ ކައުންސިލް މެމްބަރު އަޙުމަދު ޒަމީރުއެވެ.
އޭނާ ހުށަހެޅުއްވީ އީދު ދުވަހުގެ ހަވީރު 16:00 އިން ރޭގަނޑު 20:00 އަށް ހަތަރު ގަޑިއިރަށް ވެހިކަލް ދުއްވުން މަނާކޮށް އެވަގުތަކީ ފައިމަގުގައި އުޅޭ ވަގުތުކޮޅަކަށް ހެދުމަށެވެ.
ނަމަވެސް، އެ ހުށަހެޅުމަށް ތާއީދުކުރެއްވީ ޖަލްސާގެ ކޯރަމަށް ހާޒިރުވެ ތިއްބެވި 11 ބޭފުޅުންގެ ތެރެއިން 4 ބޭފުޅުންނެވެ.
ބާކީ 7 ބޭފުޅުން ތާއީދުކުރެއްވީ ހަވީރު 16:00 އިން ފެށިގެން 18:00 އަށް ދެ ގަޑިއިރަށް ވެހިކަލް ދުއްވުން މަނާކުރުމަށެވެ.
މިކަމާ ގުޅޭގޮތުން ކުރި ބަހުސަށްފަހު ކައުންސިލުން ނިންމާފައިވަނީ، އީދު ދުވަހު 16:00 އިން 18:00 އަކީ މާލޭގައި ހިނގާފައި އުޅޭ ވަގުތުކަމުގައި ކަނޑައެޅުމަށެވެ.
Advertisement
This content is created and paid for by advertisers and does not involve Voice Journalists
