ވޭތުވެ ދިޔަ މަހުގައި ޓޫރސްޓުންނަށް ޚިދުމަތްދިނުމަށް ނެރެވުނު އެނދުގެ އަދަދު އިތުރުވެފައިވާކަމަށް ޓޫރިޒަމް މިނިސްޓްރީއިން ހާމަކުރައްވައިފިއެވެ.

މިނިސްޓްރީއިން ވިދާޅުވިގޮތުގައި، ހަމަ އެކަނި މި މަހު 62،206 އެނދު އޮޕެރޭޝަނަށް ނެރެވިފައި ވާއިރު، މިއީ، މިދިޔަ މަހާ އަޅާ ބަލާއިރު 263 އެނދުގެ ކުރިއެރުމެކެވެ.

މިދިޔަ ބުރާސްފަތި ދުވަހުގެ ނިޔަލަށް، ހަމައެކަނި ކ. އަތޮޅުން 7075 އެނދު ނެރެފައިވާއިރު، އއ. އަތޮޅާއި އދ. އަތޮޅުން 3336 އެނދު ނެރެފައިވެއެވެ.

Advertisement

މިހާތަނަށް މުޅިއެކު 175 ރިސޯޓު އޮޕެރޭޝަނަށް ގެނެވިފައި ވާއިރު، ޖުމުލަ، 843 ގެސްޓް ހައުސާއި 15 ހޮޓާ ހިންގެމުން ދެއެވެ.

ތަފާސްހިސާބު ދައްކާ ގޮތުން، ދިވެހިރާއްޖެއަށް އަންނަމުން ދާ ފަތުރުވެރިންގެ އިންސައްތަ ދަނީ ހަލުވި ދުވެއްޔެއްގައި އިތުރުވަމުންނެވެ. އެ ގޮތުން، މި މަހުގެ 27 ވަނަ ދުވަހުގެ ނިޔަލަށް، ވެލާނާ އިންޓަނޭޝަނަލް އެއަރ ޕޯޓުން، ޖުމުލަ 167،175 ފަތުރުވެރިންނަށް މަރުހަބާ ކިޔާފައިވާއިރު، މި އަހަރު ދިވެހިރާއްޖެއަށް އައި ފަތުރުވެރިންގެ އަދަދު ވަނީ ބައި މިޔިނަކަށްވުރެ އިތުރުވެފައެވެ. އެހެންކަމުން މިދިޔަ އަހަރާ އަޅާ ބަލާއިރު، ފަތުރުވެރިންގެ އަދަދު ވަނީ 14.2 އިންސައްތަ އިތުރުވެފައެވެ.

2023 ވަނަ އަހަރު ރާޢްޖެއަށް މުޅިއެކު 1.8 މިލިއަން ފަތުރުވެރިން އައިސްފައިވެއެވެ. މި އަހަރަށް މިނިސްޓްރީއިން ކަނޑައަޅުއްވާފައިވާ ލަނޑުދަނޑިއަކީ 2 މިލިޔަން ފަތުރުވެރިން ގެނެއުމެވެ.