ދާޚިލީ ސަލާމަތާއި ފަންނިއްޔާތާ ބެހޭ ވުޒާރާއިން މިއަދު އެކްސް ގައި ކުރެއްވި ޕޯސްޓެއްގައި ބުނެފައިވަނީ، ލ. އަތޮޅުގައި "އޮޕެރޭޝަން ކުރަނގި"ގެ ޢަމަލީ މަސައްކަތް ފަށާފައިވާކަމަށެވެ.

އައްޑޫ ސިޓީގައި 10 މެގަވޮޓްގެ ފްލޯޓިން ސޯލާ ޕަވަރ ނިޒާމެއް ޤާއިމުކުރުމަށް އިންވެސްޓަރުން ހޯދަން އިއުލާންކޮށްފި އެވެ. އެގޮތުން، ލޮޓް 1 ގެ ދަށުން 2 މެގަވޮޓްގެ ފްލޯޓިންގ ސޯލާ ޕެނަލް ސ. މަރަދޫ ހާބަރ އަދި ސ. ހުޅުމީދޫ ސެންޓްރަލް ހާބަރގައި އިންސްޓޯލްކުރުމުގެ މަސައްކަތް ކުރިއަށް ގެންދިޔުމަށާއި ލޮޓް 2 ގެ ދަށުން 8 މެގަވޮޓްގެ ފްލޯޓިންގ ސޯލާ ޕެނަލް ސ. ހިތަދޫ ޕޯޓް އޭރިއާގައި އިންސްޓޯލްކުރުމުގެ މަސައްކަތް ކުރިއަށް ގެންދިޔުމަށް ހަމަޖެހިފައިވާކަމަށް ވުޒާރާއިން މައުލޫމާތުދެއެވެ.

"ސްމޯލް އައިލޭންޑްސް ހޮސްޕިޓަލް ޕްރޮޖެކްޓް"ގެ ނަމުގައި ރާއްޖޭގެ ކުދި ރަށްރަށުގެ ސިއްހީ ހިދުމަތް ރަނގަޅުކުރަން ހިންގާ މަޝްރޫއުއަށް ކުވޭތު ފަންޑް ފޯ އަރަބް އިކޮނޮމިކް ޑިވެލޮޕްމަންޓް (ކުވޭތް ފަންޑް) އިން 3،000،000 ކުވައިތީ ދީނާރު (150 މިލިއަން ދިވެހި ރުފިޔާ)ގެ ދިނުމަށް ދިވެހި ސަރުކާރާއި ކުވޭތް ފަންޑާ ދެމެދު ލޯނު އެއްބަސްވުމެއްގައި ސޮއިކޮށްފިއެވެ.

ކުރީގެ އެޑިއުކޭޝަން މިނިސްޓަރު ޑރ. އައިޝަތު އަލީގެ ރަސްމީ އީމެއިލްތަކެއް ޑިލީޓުކޮށްފައިވާ މައްސަލައެއް ފުލުހުން ބަލަން ތަޙްޤީގުކުރަން ފަށައިފިއެވެ. އެ މައްސަލަ ތަހުގީގު ކޮށްދިނުމަށް އެދި ފުލުހުންނަށް ހުށަހެޅީ މި މަހު 25 ވަނަ ދުވަހު އެޑިއުކޭޝަން މިނިސްޓްރީންކަމށްވެސް ފުލުހުން މައުލޫމާތު ދެއެވެ.

ރައީސް އޮފީހުން މިއަދު ނެރުނު ނޫސްބަޔާނެއްގައި ބުނެފައިވަނީ، އީރާނުގެ އައު ރައީސްކަމަށް އިންތިޚާބުވެވަޑައިގެންފައިވާ ޑރ. މަސްއޫދު ޕެޒެޝްކިއަންގެ ހުވާ ކުރުމުގެ ރަސްމިއްޔާތުގައި ބައިވެރިވެވަޑައިގެންނެވުމަށް ނައިބު ރައީސް ޙުސައިން މުޙައްމަދު ލަޠީފް އިސްލާމިކް ރިޕަބްލިކް އޮފް އީރާނަށް ވަޑައިގެންފައިވާ ކަމަށެވެ.

"ވެލްކަމް އިންޑިއާ ރޯޑްޝޯ 2024" ގައި ބައިވެރިވެވަޑައިގަތުމަށް ފަތުރުވެރިކަމާ ބެހޭ ވަޒީރު ފައިސަލް އިބްރާހިމް އިންޑިއާގެ ވެރިރަށް ދިއްލީއަށް ވަޑައިގަތުމަށް ފުރާވަޑައިގެންފިއެވެ.

ދިވެހި ސާފް ލީގުގެ މިއަހަރުގެ ދެވަނަ މުބާރާތް "މުލީކޮޅު ރާޅުގަނޑު" މުބާރާތުގެ މެންސް އޯޕެން ޑިވިޝަންގެ ޗެމްޕިއަންކަން އިސްމާއިލް ރަޝީދު (ސްމައިލީ) ހޯދައިފިއެވެ.

ސަރުކާރުގެ އަމާޒަކީ ދައުލަތުގެ ކުންފުނިތައް ޒަމާނީ ފެންވަރަށް ބަދަލުކުރުން ކަމަށާއި، އެކަން އެމަގަށް ގެންދިއުމަށް ސަރުކާރުން މަސައްކަތްކުރަމުންދާ ކަމަށް އިޤްތިޞާދީ ވަޒީރު މުހައްމަދު ސަޢީދު ވިދާޅުވެއްޖެއެވެ.

މިއަދު ފުލުހުންނާއި ކަސްޓަމްސް އިން އިސްކަންދަރުކޮށީގައި މިއަދު ބޭއްވި ނޫސްވެރިންގެ ބައްދަލުވުމުގައި މައުލޫމާތުދެއްވަމުން ސުޕްރިޓެންޑެންޓް އޮފް ޕޮލިސް އަދި ޑްރަގު އެންފޯސްމެންޓް ޑިޕާޓްމަންޓުގެ ހެޑް، ނާހިދު ހުސެއިން ވިދާޅުވީ މި އަހަރުގެ ފުރަތަމަ ހަ މަސް ދުވަހަށް ބަލާއިރު ކޮންމެ މަހަކުވެސް 10 ކިލޯ އަށް ވުރެ ގިނަ އަދަދަކަށް މަސްތުވާތަކެތި އަތުލައިގަނެފައިވާ ކަމަށެވެ.

ފުލުހުން މިއަދު ހާމަ ކުރެއްވި ގޮތުގައި، މީހަކަށް ބިރުދައްކައިގެން ކޭޝް ކާޑުގެ ޕިން ހޯދުމަށްފަހު، އެކައުންޓުގައިވާ ފައިސާ ފޭރުނު މައްސަލަ ފުލުހުންނަށް ހުށަހެޅީ މި ޖުލައި މަހުގެ 24 ވަނަ ދުވަހުއެވެ. މި މައްސަލައިގައި ހައްޔަރު ކުރި މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން އޭގެ ތެރެއިން އެކަކު 30 ދުވަހުގެ މުއްދަތަކަށް، އަދި އަނެކަކު 60 ދުވަހުގެ މުއްދަތަކަށް ބަންދުކުރަން ކޯޓުން ވަނީ އަމުރު ކޮށްފައެވެ.

އާރްޓީއެލް ބަސްތަކުގެ ތެރެއިން ހުޅުމާލޭގައި ދުއްވާ ބައެއް ބަސްތަކުގެ ރޫޓުތަކަށް ބަދަލު ގެނެސްފިއެވެ. އެމްޓީސީސީން ހާމަކުރި ގޮތުގައި މި ބަދަލު ގެނެސްފައިވަނީ 27 ޖުލައި 2024 ވަނަ ދުވަހުން ފެށިގެން، ހުޅުމާލެ ސެންޓްރަލް ޕާކު ވަށައިގެން އޮންނަ މަގު (ބަގީޗާ ހިނގުން) އެއްކޮޅަށް ދުއްވޭ މަގަކަށް ބަދަލުކޮށްފައިވާތީއެވެ.

މިއަދު ފުލުހުންނާއި ކަސްޓަމްސް ގުޅިގެން ކުރިޔަށްގެންދިޔަ ޚާއްސަ ނޫސްވެރިންގެ ބައްދަލުވުމުގައި ކަސްޓަމްސްއިން ބުނީ މި މަހުގެ 24 ވަނަ ދުވަހު އަބޫދާބީ މަގުން ރާއްޖެއައި ޕާކިސްތާނު މީހަކު ބަލާފާސްކުރުމުން، 2.12 ކިލޯގެ މަސްތުވާތަކެތި ފެނިފައިވާ ކަމަށެވެ.

ދާޚިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިހުސާން ވިދާޅުވީ ބަންގްލަދޭޝްގެ ދާޚިލީ މައްސަލައަކާ ގުޅިގެން ތިނަދޫގައި ކުރި މުޒާހަރާ ރޭވުމުގައި އުޅުނު މީހުން ހައްޔަރުކޮށް، ޑީޕޯޓުކުރުމުގެ މަސައްކަތް ކުރަމުން އަންނަ ކަމަށެވެ.

މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ސީއީއޯ އާއި ޑިޕާޓްމަންޓްތަކުގެ ވެރިން މިއަދު ބަނދަރުގެ މަސައްކަތްތަކުގައި ސީދާ ބައިވެރިވެ، މުވައްޒަފުންގެ މަސައްކަތް ގާތުން ބަލައި، އެ މުވައްޒަފުންގެ ބުރަ މަސައްކަތަށް ތަޢުރީފުކޮށްފިއެވެ.

އިންޑިއާ ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު، ޝްރީ މުނު މަހާވަރް، މިއަދު ރައްޔިތުންގެ މަޖިލީހުގެ ރައީސް، ޢަބްދުއްރަޙީމް ޢަބްދުﷲގެ އަރިހަށް އިޙްތިރާމުގެ ޒިޔާރަތެއް ކުރައްވައިފިއެވެ.

ސަރުކާރުން ޓެކްސީ ލައިނެއްގެ ޚިދުމަތްދޭން ފަށަން ނިންމައިފިއެވެ. ދަތުރުފަތުރާއި މަދަނީ އުދުހުންތަކާ ބެހޭ ވުޒާރާއިން މިކަން އިޢުލާންކޮށްފައިވަނީ، ރޭ މާލެ ފަހި ޕްރޮގްރާމް އިފްތިތާޙުކުރުމަށް ބޭއްވި ޖަލްސާގައެވެ.

ރައީސުލްޖުމްހޫރިއްޔާ އާއި ރައީސުލްޖުމްހޫރިއްޔާގެ ނައިބުގެ އިތުބާރު ނެތް މައްސަލަ މަޖިލިސް މަރުހަލާގެ ތެރެއިން ތަޙްޤީގުކުރާ ޤަވާއިދަށް ބަދަލު ގެނެސްފިއެވެ. މަޖިލީހުގެ ގަވާއިދު ނިންމައި އާއްމު ކޮމިޓީން ފޮނުވި ރިޕޯޓުގައި މި ބަދަލުތަކާ ގުޅިގެން ބުނެފައި ވަނީ، އެކަންތައްތަައް ބަދަލުކުރީ، ކުރިން ގަވައިދުގައި ކަނޑައަޅާފައިވާ ވަގުތުތަކާއި މުއްދަތުތަކަކީ އެކަށީގެންވާ މުއްދަތުތަކެއް ކަމަށް ކޮމިޓީގެ މެންބަރުންނަށް ގަބޫލު ނުކުރެވޭތީ ކަމަށެވެ.

އެމްޑީޕީގެ ނައިބު ރައީސް ކަމަށް ތުޅާދޫ ދާއިރާގެ ކުރީގެ މެންބަރު ހިސާން ހުސައިން އައްޔަންކޮށްފި އެވެ. ނައިބު ރައީސް ކަމަށް ހިސާން އައްޔަން ކޮށްފައިވަނީ މިރޭ ބޭއްވި އެ ޕާޓީގެ ޤައުމީ މަޖިލީހުގެ ޖަލްސާގަ އެވެ.

މާލެ ސަރަޙައްދުގެ މަގުތަކުގެ އަމާންކަން ކަށަވަރުކުރުމަށް ފެށި "މާލެ ފަހި" އިފްތިތާޙްކޮށްދެއްވައިފިއެވެ. މާލެ ފަހި ޕްރޮގްރާމަކީ މާލެ ސަރަޙައްދުގައި، ދުއްވާ އުޅަނދުތައް ގިނަވުމުގެ ސަބަބުން ދިމާވެފައިވާ ތޮއްޖެހުމުގެ މައްސަލައަށް ހައްލެއް ހޯދުމަށް ސަރުކާރުން ފެށި ޕްރޮގްރާމެކެވެ.

ކ.ގުރައިދޫ ކައުންސިލުން ނެރުނު ބަޔާނެއްގައި، ވަނީ އެރަށުގެ ހުޅަނގު ފަރާތު ފަޅުކައިރިން ބިން ހިއްކުމަށް ވެލި ނެގުމުގެ ސަބަބުން ތިމާވެށްޓަށާއި ފަތުރުވެރިކަމަށް ލިބެމުންދާ ގެއްލުންތަކާމެދު ކަންބޮޑުވުން ފާޅުކޮށްފައެވެ.

ދިވެހިރާއްޖެއަށް އަސަރުކުރާނެ އަދި ކޮށްފާނެ އެކިއެކި ދާއިރާތަކުގައި، ބައިނަލްއަޤްވާމީ އަދި ޤައުމީ މައްސަލަތަކާއި ސިޔާސަތުތަކާ ބެހޭ ގޮތުން ޢިލްމީ އަދި ފަންނީ ދިރާސާތައް ކުރުމަށް އައު މަރުކަޒެއް އުފައްދައިފިއެވެ. މި މަރުކަޒަކީ "މޯލްޑިވްސް ސެންޓަރ ފޮރ ޕޮލިސީ ސްޓަޑީޒް" (ޕޮލިސީ އެމްވީ) ނަމުގައި ޖުލައި މަހުގެ ކުރީކޮޅު އުފައްދާފައިވާ މަރުކަޒެކެވެ.

އެހީ ޖަމިއްޔާއިން ޙާލުގައި ޖެހިފައިވާ އާއިލާތަކަށް އެހީތެރިވުމަށް "އަސާސީ 365" ނަމުގައި އައު މަޝްރޫޢެއް ފަށައިފިއެވެ.

ރައީސް އޮފީހުގެ ކުރީގެ ޗީފް އޮފް ސްޓާފް އަލީ ޒާހިރު، މޮރިޝަސް ކޮމާޝަލް ބޭންކް (އެމްސީބީ) އަށް 2.3 މިލިއަން ރުފިޔާ ދައްކަންޖެހޭ ކަމަށް ސުޕްރީމް ކޯޓުން ޙުކުމް ކޮށްފިއެވެ.

ތ. ކިނބިދޫގައި ރައްކާތެރިގޮތުގައި ކުނި މެނޭޖުކުރާނެ ނިޒާމެއް ޤާއިމްކޮށް ބޭނުންކުރަން ފަށައިފިއެވެ. ތިމާވެށްޓާއި ހަކަތައާބެހޭ ވުޒާރާއިން މަޢުލޫމާތު ދެއްވިގޮތުގައި މި ނިޒާމާއެކު ދުވާލަކު 200 ކިލޯގްރާމްގެ ފަނާވާ ޒާތުގެ ކުނި ޕްރޮސެސްކޮށް ކާދަށް ބަދަލުކުރެވޭނެ ބަޔޯ ވޭސްޓް ޓްރީޓްމަންޓް ސިސްޓަމެއް ޤާއިމްކުރެވިފައިވެއެވެ. އޭގެ ސަބަބުން އެންމެ 15 މިނެޓުގެ ތެރޭގައި ރޯ ކޮމްޕޯސްޓް ހެދި، 10 ދުވަހުގެ ތެރޭގައި ފުރިހަމައަށް ފައްކާވެފައިވާ ކާދު އުފެއްދޭނެއެވެ.

ބަންޑާރަ ނާއިބު އޮފީހުން މިއަދު ނެރުނު ނޫސް ބަޔާނެއްގައި ބުނެފައިވާ ގޮތުގައި، ކުރީގެ ރައީސް އިބްރާހީމް މުޙައްމަދު ޞާލިޙްގެ ބޭރު ދަތުރުފުޅަކާ ގުޅޭ ޚަރަދުތަކުގެ މަޢުލޫމާތު ހާމަކުރުމާ ގުޅޭ މައްސަލައެއް ސުޕްރީމް ކޯޓުން އަނބުރާ ގެނައުމަށް އެ އޮފީހުން ވަނީ ނިންމާފައެވެ.

މޯލްޑިވްސް ނޭޝަނަލް ސްކިލްސް ޑިވެލޮޕްމަންޓް އޮތޯރިޓީ (އެމް.އެން.އެސް.ޑީ.އޭ) އާއި މޯލްޑިވްސް އިންސްޓިޓިއުޓް އޮފް ޓެކްނޮލޮޖީ (އެމް.އައި.ޓީ) އާ ދެމެދު، ޒުވާނުންގެ ހުނަރު ތަރައްޤީކުރުމުގެ ޕްރޮގްރާމްތައް ހިންގުމަށް އެއްބަސްވުމެއްގައި ސޮއިކުރެވިއްޖެއެވެ.

ކޮންސްޓްރަކްޝަން މިނިސްޓްރީން އެކސްގައި ކުރި ޕޯސްޓެއްގައި ބުނެފައިވާ ގޮތުގައި، މި އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ ކޮންސްޓްރަކްޝަން އެންޑް އިންފްރާސްޓްރަކްޗަރ މިނިސްޓަރ ޑރ. ޢަބްދުﷲ މުއްޠަލިބެވެ. އަދި ޗައިނާ ސަރުކާރުގެ ފަރާތުން ސޮއިކުރެއްވީ ޗައިނާ އިންޓަނޭޝަނަލް ޑިވެލޮޕްމަންޓް ކޯޕަރޭޝަން އޭޖެންސީ (ސީޑްކާ)ގެ ޗެއަރމަން ލޫ ޒަހާއުއީއެވެ.

އެއަރ އެރޭބިއާއިން ދިވެހިރާއްޖެއަށް ސީދާ ދަތުރުތައް ފެށުމަށް ނިންމައިފިއެވެ. އެއަރ އެރޭބިއާ އިން މިއަދު މިއަދު އެކްސްގައި ކުރި ޕޯސްޓެއްގައި ބުނެފައިވަނީ އޮކްޓޯބަރު 27 ވަނަ ދުވަހުން ފެށިގެން ޝާރުޖާއިން މާލެއަށް ކޮންމެ ދުވަހަކު އެއް ފްލައިޓް އޮޕަރޭޓް ކުރާނެ ކަމަށެވެ.

ފުލުހުން މައުލޫމާތު ދެއްވިގޮތުގައި، ރަޖިސްޓްރީނުކޮށް ގިނަ ދުވަސްތަކެއް ވަންދެން ޕާކުކޮށްފައިހުރި އުޅަނދުތައް ނެގުމުގެ މަސައްކަތް ހުޅުމާލޭ ޓްރެފިކް ޕޮލިސް ޑިޕާޓްމަންޓުން ފަށާފައިވަނީ އިއްޔެއެވެ. މި މަސައްކަތުގެ ތެރެއިން އިއްޔެ އެކަނި ވެސް ހުޅުމާލޭގެ އެކި ސަރަހައްދުތަކުން ހަތަރު ފުރޮޅުލީ 10 އުޅަނދު ނަގާފައިވާކަމަށް ފުލުހުން ބުނެއެވެ.

ގދ.ފިޔޯރީގެ އަލަ އޮޅު ދަނޑުގައި އަލިފާން ރޯވެއްޖެއެވެ. މި ހާދިސާ ހިނގާފައިވަނީ މިއަދު އިރުއޮއްސި 6 ޖެހިއިރުއެވެ.